إزاي تعملي سينابون في مج

حالة كلنا بنعيشها تقريبا كل يوم ، الوقت متأخر و نفسنا في حاجة حلوة ، و معندناش وقت للحلويات و خطواتها الكتير ، النهاردة جبنالك حل للمشكلة ، لو عندك ميكروويف و مج يبقي ممكن تتابعينا و هنقدملك وصفة مش هتقدري تقاوميها و كل اللي هتاخده من وقتك 6 دقايق ، و ممكن الطريقة ده تكون الحل السريع لو جالك ضيف و إنتي مش مستعدة ، تعالي نشوف مع بعض الخطوات.


جهزي المقادير
9 معالق دقيق كبيرة و ممسوحة ، ¾ معلقة صغيرة بيكنج بودر ، ذرة ملح ،¾ معلقة صغيرة قرفة ،

معلقة كبيرة سكر ، ½ معلقة صغيرة ميه.1½

أو 4 معلقة كبيرة ميه (حسب الحاجة) ، معلقة صغيرة زيت (لدهن المج من جوه )3

مقادير الفروستنج (بقية المقادير)
3 معالق كبيرة سكر بودرة ، ¾ معلقة صغيرة لبن

إختاري المج المناسب
إختاري مج حجمه متوسط و إدهنيه بالزيت كويس علشان ما تلزقش العجينة فيه.

جهزي الفروستنج
في طبق صغير إضربي كويس سكر البودرة مع اللبن و ممكن تستبدليه بالميه لو حبيتي ، ضيفي السائل حبة حبة و إضربي لحد ما تتكون عجينة طرية ، دلوقتي سيبي الفروستنج علي جنب لحد ما تجهزي السينابون .

حضري الدقيق
في طبق صغير ضيفي الدقيق و الملح و البيكنج بودر و إخلطي كويس لحد ما الكل يمتزج ببعضه .

إعملي العجينة
ضيفي الميه لخليط الدقيق حبة حبة ، إبدأي ب 3 معالق و اعجني لحد ما تتكون عجينة لينة ، لو محتاجة ميه تاني ضيفي المعلقة الرابعة علي مراحل ، و لو العجينة طريت قوي ضيفي شوية دقيق ، المهم تكون العجينة لينة و تتعمل كورة بسهولة .

إفردي العجينة
حضري السطح اللي هتشتغلي عليه ( ممكن لوحة تقطيع أو رخامة المطبخ ) ، نظفيه كويس و رشي عليه دقيق علشان العجينة متلزقش فيه ، إفردي العجينة كويس و خليها طبقة خفيفة علشان هنبدأ نلفها علي شكل رول .

ضيفي القرفة
دلوقتي علي العجينة المفرودة هنرش القرفة و السكر و نتني الأطراف لجوة علشان متخرجش من العجينة.

لفي العجينة
لفي العجينة علي شكل رول و بحرص حطيها في المج المدهون و رشي علي الوش ½ معلقة صغيرة ميه.

إخبزي السينابون
دلوقتي جه وقت الخبز ، إبدأي ب 50 ثانية و شوفي النتيجة و لو إحتاجتي تزودي الوقت ممكن تزودي 5 ثواني كمان .

قدمي و إستمتعي
لما تتأكدي إن السينابون إستوي خرجيه من المج علي طبق التقديم و صبي عليه الفروستنج و إستمتعي بالطعم .

نصائــــح
كل ميكرويف له قدرة مختلفة عن التاني ، لو خبزتي في ميكرويف قدرته 1200 وات هتحتاجي حوالي 50 ثانية ، لكن لو كان قدرته أقل هتحتاجي وفت أكتر ، علشان كده إبدأي ب50 ثانية و حطي خلة في المج علشان تختبري السوي بتاعه و لو خرجت فيها عجين زودي الوقت 5 ثواني و شوفي تا
لو زودتي وقت الخبز أكتر من اللازم العجينة هتنشف .
السينابون لازم يتاكل سخن و لو برد و سخنتيه مرة تانية هينشف منك .

 #صوص سينابون, #طريقة السينابون الاصليه, #طريقة السينابون الهش, #طريقة عجينة السينابون, #طريقة عمل السينابون بالصور خطوه بخطوه, #طريقة عمل السينابون بدون بيض, #عجينة السينابون الهشة, #مقادير السينابون