مرض السكر مرض بيهدد نسبة كبيرة جدا من الاشخاص وخصوصا اللي عايشين في الوطن العربي بسبب العادات الغذائية السيئة أو التقدم في السن أو أسباب وراثية أو أمراض معينة زي الغدة الدرقية أو الغدة النخامية
ومؤخرا بدأ يظهر المرض في سن مبكر جدا 15 سنه بعد ماكان بيظهر عند سن ال40 او 50 في الاغلب, وده بسبب ان الجسم بقى بيستنفذ كمية الأنسولين الطبيعية الموجودة في الجسم في عدد قليل من السنوات ,وعشان تحمي نفسك من الإصابة بمرض السكر اتبع الخطوات التالية:-
تجنب السمنة
الدهون بتؤدي إلى إشارات عصبية ترفع نسبة الأدرينالين اللي بترفع الضغط وتعيق حركة البنكرياس انها تشتغل فبتقلل نسبة الأنسولين في الدم ,والحل ان لو حتى عندك مرض السكر وضبطت وزن جسمك مش هتحتاج انك تاخد نسبة كبيرة من الأنسولين عن طريق تخفيف الدهون في الطعام” زي انك تستبدل اللبن كامل الدسم بلبن منزوع الدسم “هتستفاد من فوائد اللبن وفي نفس الوقت هتتجنب أضرار الدهون
استبدال السكر الأبيض بالسكر الأسمر
تقدر تتجنب الاصابة بمرض السكر عن طريق استبدال السكر الابيض بالسكر الاسمر لان السكر الأسمر بيحتوي على نسبة أقلّ من السعرات الحرارية عن الموجودة في السكّر الأبيض وده بيخليه مفيد جدا في برامج التخسيس لان السمنه من المسببات الرئيسية في مرض السكر
يفيد تناول السكّر الأسمر في استرخاء وتهدئة الأعصاب المشدودة، وعلاج حالة الأرق الليليّ، لإنّ احتواءه على نسبة مرتفعة من مادة السيلينيوم يُرخي الأعصاب، ويُساهم في تأمين نوم هاديءٍ و مريح. لان عدم أخذ قسط كافي من النوم بيعرضك للاصابة بالسكر
– يحتوي على الألياف
– خضع لعملية تكرير أقل،
– مبيرفعش السكر في الدم لدى مرضى السكر
– بيحتوي على سعرات حرارية قليلة و هيساعدك انك تتبع برنامج غذائي صحي
– يسرع عملية الأيض.”حرق الدهون ”
احرص على الأطعمة والمشروبات التالية
1-استبدل العيش الابيض بالشوفان
تناول الشوفان يساعد في السيطرة على ارتفاع نسبة السكر في الدم لانه يحتوي علي نسبة علي كربوهيدرات وألياف عالية تتحكم في مستوى السكر في الدم طول اليوم ويقدر مريض السكر يتناوله عشان يقلل من حاجته للأنسولين
وينصح الأطباء بتناوله كبرنامج غذائي يومي وبشكل معتدل لانه بيخلي البنكرياس ينتج نسبة انسولين اكتر وبيقل تأثيره تدريجيا وبالتالي يؤدي إلى زيادة نسبة السكر في الدم عشان كده بينصح الأطباء بتناول الشوفان مع سلطة الفواكه أو الخضار علي 3 وجبات يوميا بشكل معتدل
2-التفاح
التفاح بيقي من مرض السكري بنسبة 20% لانه غني بالالياف الطبيعية
3-القرفة
بتاكد الأطباء أن تناول القرفة بشكل يومي يمكنها أن تجعل خلايا الجسم حساسة للتفاعل مع الأنسولين كما أنها تساعد على استقرار نسبة السكر في الدم
4-الفاكهة الحمضية
مرضى السكر بيعانوا من إنخفاض فيتامين c في الدم لأنه بيقلل من الأجسام المضادة في الدم عشان كده من المهم تناول الفواكه الحمضية كوجبات خفيفة وقت العمل أو عند الشعور بالجوع قبل الوجبة الأساسية لانها كمان بتساعد في حرق الدهون
5-تناول الاوميجا 3
الأوميجا 3 من الفيتامينات المهمة جدا اللي بتساعد في تقليل نسبة الكوليسترول في الجسم وبتكون موجودة في الاسماك بانواعها وخاصة سمك السلمون والسردين وسمك الماكريل وكمان بتقلل من الإصابة بأمراض القلب والشرايين عن الاشخاص المصابين بالسكر لانهم بيكونوا اكثر عرضة للإصابة
6- الأطعمة الغنية بالألياف
أثبتت الدراسات أن اللي بيتناولوا الأطعمة الغنية بالألياف يوميًا بتتحسن نسبة السكر عندهم والاطعمة الغنية بالالياف زي الخضار والفاكهة والأرز البني والخبز والحبوب
7- البقوليات
الحمص والفاصوليا والعدس طبعًا من أهم البقوليات المعروفة لدى الجميع ,ولكن الغير معروف ان اضافة النوعيات دي للسلطة أو الشوربة بتقلل من خطر الإصابة بأمراض القلب والشرايين وبتقلل من نسبة الجلوكوز في الدم
8-الشاي الأخضر
الشاي الاخضر بيقلل من احتمال الإصابة بأمراض القلب و الشرايين ويحسن من امتصاص الجسم للسكر وبيديك القوة لمكافحة الإلتهابات
8- الشيكولاتة الداكنة
وجدت الدراسات أن الشيكولاتة الداكنة بتقلل من امتصاص الخلايا للأنسولين وبتخفض من ضغط الدم وبتقلل نسبة الكولسترول وبتحسن من وظائف الأوعية الدموية ,ولكن لابد يتم تناولها بكميات معتدلة لانها بتحتوي علي كتير من الدهون والسعرات الحرارية
9-الزبادي
الزبادي يحتوي على كميات عالية من البروتينات والكالسيوم المفيدة للجسم وبيقلل من مقاومة الخلايا للأنسولين ,ويمكنك أن تتناوله كوجبة خفيفة بين الوجبات الأساسية ولكن المهم أنه يكون منزوع الدسم
امشي يوميا لمدة 30 دقيقة
الجسم مبيبداش يحرق الدهون قبل 20 دقيقة عشان كده لازم تمشي على الأقل لمدة 30 دقيقة أو تمارس أي رياضة
اشرب ميه حتي لو مش عطشان
اغلبنا مبيبداش يشرب الميه غير لو حس بالعطش ودي من الغلطات الكبيرة اللي بنعملها, وعشان تحمي نفسك من مرض السكر تناول الميه حتي لو مش عطشان علي مدار اليوم بكميات كويسة
6 نام من 6 لـ9 ساعات
ازاى أحمى نفسي من الإصابة بمرض السكر
اخذ قسط كافي من النوم من العوامل المهمة جدا في الوقاية من مرض السكر وعلى حسب حاجة الجسم تقدر تحدد عدد ساعات نومك من 6لـ9 ساعات
تجنب الوجبات السريعة
السبب الاساسي ان اللي لسه سنهم صغير و بيجلهم مرض السكر هو تناول الوجبات السريعة لأنها بتحرق كمية الانسولين اللي في الجسم في وقت اقل بكتير جدا من اللي المفروض انها تخلص فيه وعشان تحمي نفسك من مرض السكر قلل من الوجبات السريعة علي قد ماتقدر لحد ما توقفها بشكل نهائي
تعليقات
إرسال تعليق