ازاى تصالح مراتك
معظم الستات مشكلتهم مع ازواجهم ان هما مبيعرفوش يصالحوهم او مبيحاولوش من الاساس في الغالب بعد اي مشكلة الراجل مبيعترفش انه غلطان فبالتالي الست هي اللي بتبادر وتصالحهوبتفضل مضايقه ان هو مبيصالحهاش ومبيحولش يشوف هي مضايقة من ايه فالموضوع ده مره مع مره بيسبب تراكمات ومشاكل عند الزوجين، وعشان صلحلك لمراتك هيفرق جدا معاها وعلي علاقتكوا مع بعض هنقولك في المقال ده ازاي تصالح مراتك بطرق بسيطة بس هتفرق في علاقتكوا جدا مع الوقت .حسسها انك مهتم بها
من اكتر الحاجات اللي بتزعل الست اكتر من الموقف اللي حصل نفسه هي احساسها ان زعلها مش فارق بالنسبالك ، وانك متجاهلها وكانها مش موجوده وانها هي اللي لازم تبادر وتعترف ان هي اللي غلطانه عشان ترجعوا تتكلموا من جديد فاللحظه دي بتحس ان كل المجهود اللي هي بتبذله ضاع ومفيش اي نتيجة وبالتالي بيخليها في اللحظه دي ممكن تاخد قرارات بينها وبين نفسه تاثر علي علاقتكوا بالسلب .
حسسها انك مهتم وان زعلها فارق معاك بمعني ان لازم يكون في كلام حتي ولو بسيط اثناء فترة الزعل تسالها عن اخبار البيت تهتم كلت او مكلتش الخ .. ده هيحسسها بالامان وبرغم وجود اي مشكلة هي فارقة معاك وموجودة .
ابعتلها مسدج لتغيير الموود
مسدج او مكالمه صغيره وانت في الشغل تشوفها اول ماتصحي تقولها متزعليش اليوم هيبقي اجمل وانتي بتضحكي ، او ان مفيش حاجه تستاهل ان يحصل خلاف ما بينا او اي كلمة بسيطة، ده هيقلل المشكله بشكل كبير قبل ما تاخد اكبر من حجمها وهيخليها تقدرك وتحترمك اكتر لانك بتقدرها .
نفذلها طلب قديم كنت ناسيه
كتير جدا زوجتك بتطلب منك طلبات وانت بتنساها او بتاجلها بسبب الضغوطات اللي عليك سواء تشتري حاة معينة في البيت او حاجة معينة محتاجة تتصلح او انها محتاجة تاخدوا ويومين اجازة وتسافروا لاي مكان ، ممكن تفاجئها انك حجزت يومين في اي مكان وخدت اجازه او نفذت طلب منهم ده هيمتص جزء كبير جدا من غضبها وهيوصلها مسدج انك مهتم وبتفكر في اللي بيسعدها .
رخم عليها وهزر معاها
مش شرط في كل الحالات تصالحها بطريقه مباشره احيانا في مواقف صغيره ممكن تعدي بطريقة صلح بسية بتبقي زي علاج للموقف بتخليه يعدي من غير ما تحصل مشاكل كبيرة ، خليها ماشية واقف في طريقها او ساعدها في حاجه بتعملها او تاخد منها حاجة مسكاها في ايديها افتح معاها مواضيع او حاول تضحكها .
اتكلم معاها ودردش بابتسامه
في بعض المشاكل مينفعش تتخطاها بسهوله لانها بتبقي كبيره ،ممكن تقعد معاها وتطلب منها انكوا تتكلموا بهدوء وتفهمها اول حاجه انك مكنتش تقصد تزعلها او تضاييقها وتتناقشوا في النقط اللي ممكن تتعدل واهم حاجه ان نيتك قبل ما تتكلم معاها انكوا تصلحوا العلاقه مش ان مين هينتصر علي التاني او لنفسه او مين اللي هيطلع غلطان ، اعتراف الطرفين بتقصيرهم والاهتمام من كل طرف باللي بيضايق الطرف التاني بيحسن العلاقه بشكل مستمر وبيعمل نوع من الود .
اشتريلها هدية
اشتريلها هدية ولو بسيطة جدا هتفرق جدا معاها ،او اشتريلها حاجة بتحبها زي شوكلاته او ايس كريم ، اي حاجة بسيطة تلفت انتباهها ان انا مهتم لزعلك وعايزك تكوني مبسوطة .
نصائــــح
انك تصالحها ده مش بيقلل منك بالعكس ده بيزود احترمها وحبها وتعلقها بيك .
لازم يكون في مواقف عليك تستحملها ومواقف عليها تستحملها .
خليها متتعودش علي خصامكوا .
#كيف اصالح زوجتي العنيده, #كيف ترضي زوجتك الغاضبة, #كيف ترضي زوجتك عند الزعل, #كيف تصالح زوجتك الزعلانة, #كيف تصالح زوجتك العنيدة, #كيف تصالح زوجتك بعد الخيانة, #كيف تصالح زوجتك بعد ضربها, #كيفية مصالحة الزوجة العنيدة
تعليقات
إرسال تعليق