كل الناس بتشعر بمشاعر الغضب في بعض الأحيان لكن البالغين عادة بيقدروا يسيطروا علي نفسهم ويترجموا مشاعرهم في صورة تانية بعيدا عن العنف باختلاف الأطفال. بعض الأطفال بترجم مشاعر الغضب وعدم الرضا أو الضيق عندهم الي تصرفات عنيفة وده مسئولية الأهل أنه يعلموا طفلهم ازاي يسيطر علي مشاعره ويعبر عن نفسه بطريقة صحية. في طرق كتير ممكن تساعدك تعلمي ابنك كل ده لو هو بيتصرف بعنف زي:
ضعي حدودا واضحة
لازم تكوني متأكدة أن الطفل فاهم كويس ومدرك أن التصرفات العنيفة غير مقبولة وممكن تتناقشي معاه وتوضحيله ده في وقت هو هادي فيه وتفهميه أنه التصرفات دي بيكون ليها عواقب. ولما الطفل بعد كدة يتصرف بعنف لازم الأم تدخل فورا وتوقفه عن حده وتطبق عليه العواقب المناسبه للموقف زي مثلا أنه مش هيلعب مع الأطفال بقية اليوم لأنه ضربهم.
سيطري علي غضبك
من أكبر مسببات التصرفات العنيفة والعدوانية عند الأطفال هي تصرفات الأب والأم نفسهم وهل لما بيغضبوا بيسيطروا علي مشاعرهم؟ هل ممكن يضربوا الطفل كرد فعل لشعورهم بالغضب؟
قللي من وقت الشاشات
بعض الدراسات بتربط بين عدد ساعات مشاهدة الكارتون أو اللعب علي الأجهزة بشكل عام وبين التصرفات العنيفة الي بتصدر عن الأطفال وبشكل عام اتفق الخبراء أنه الأفضل لجميع الأطفال تقليل ساعات المشاهدة وبالتالي سيطري وحددي الوقت المسموح لطفلك أنه يتعرض فيه لشاشة.
علمي طفلك يعبر عن مشاعره
لازم الأم والأب يعلموا ابنهم أنه يتكلم عن مشاعره بدون خجل أو كسوف ويكونوا مساحة للطفل أنه يقول الي جواه من خوف من تأنيب أو عتاب أو عقاب. الطفل أما بيتعلم يتكلم عن مشاعره أو يعبر عن مشاعره بالرسم أو يتعمل أنه لما يشعر بالغضب يروح يمارس أي نشاط أو يسترخي ده هيساعده أنه ميبقاش عنيف ويعرف يتحكم في مشاعر الغضب لما تجيله.
لا تشجعي طفلك علي العنف
بعض الأحيان الأم والأب بيمدحوا ابنهم أما يتصرف بعنف أو قوة وبالتالي الطفل لأنه لسه عقله غير مكتمل بيفهم أنه لازم يتصرف بعنف عشان يحصل رضا ومدح الأهل. كمان ممنوع منعا باتا الضحك علي تصرفات الابن العنيفة خصوصا في السن الصغير لأن ده برضو يعتبر نوع من أنواع التشجيع.
نصائــــح
أهم شئ أن الأهل يكون عندهم صبر في تقويم الطفل من العنف
تعليقات
إرسال تعليق