ازاى أخلى ابنى يسمع الكلام

من اكتر المشاكل اللي بقت اغلب الامهات بتتكلم فيها هي مشكلة العند عند الاطفال وعدم سماع الكلام ,الموضوع اللي بيتسبب بإحراج الأهل قدام الناس والاصحاب , والحقيقة أن الطفل مبيكونش عايز ميسمعش الكلام, والطاعة ليها مراحل عند الاطفال مش اي سن بيقدر الطفل يستجاب لأوامر الأهل ويسمع كلام أهله زى إنه ياكل كويس أو ينام بسرعة وبيبان للام والاب ان الطفل عنيد ولكن هو مش قادر يستوعب فكرة الطاعة ,وعشان تخلي ابنك يسمع كلامك من غير مايكون عنيد ولا يكون شخص تابع ويكون مبيعرفش يعتمد على نفسه اتبع الخطوات التالية

 اعرف السن المناسب للطاعة


الطفل قبل سن السنتين بيكون غير قادر على الطاعة تماما وأي محاولة ان الطفل يسمع الكلام قبل السن ده هتجيب نتائج سلبية وهيكون سبب في ان الطفل يكون عنيد

من بداية سن الـ3 سنين بيكون الطفل بيبدا يقدر انه يستوعب ويضبط نفسه شوية, لكن بيكون غير قادر على الطاعة بشكل كامل

المرحلة اللي بعدها من سن 3 لـ6 سنوات وهي مرحلة الطاعة العمياء ودي بيكون فيها الطفل بيسمع الكلام الشخص اللي بيحبه و بيثق فيه او لو الموضوع علي مزاج الطفل والمرحلة دي خطيرة جدا لان الطفل بيكون فيها بيتعامل مع العالم الخارجي وممكن اي امر من اي شخص يتجاوب معاه الطفل بسهولة

زي ان حد يقوله انه ياخد الحاجة الحلوة دي ويروح معاه لانه معندوش القدرة على التمييز بين التصرف الصح والتصرف الغلط ومبيحكمش علي التصرفات غير من خلال نقطتين النقطة الأولى هل التصرف ده حصل في البيت قبل كده ولا لا والام والاب رفضوه ولا سمحوا بيه النقطة التانية بتكون هل الطفل خايف من الشخص ده فيعمله الطلب اللي بيطلبه منه ولا لا

والحل في مرحلة الطاعة العمياء عدم استخدام الحافز أو العقاب مع الطفل عشان يسمع الكلام زي انك تقوله كل اكلك وانا هديك حاجة حلوة لان الطفل هيربط بين انه يتصرف صح وبين الحافز و هيسمع كلام اي حد هيعمله حاجة حلوة

او مثلا يكون بيسمع الكلام خوف من العقاب وده بيبرمج عقل الطفل علي أنه ميشغلش دماغه ولا يعرف يقول لا لأي حد هيخاف منه وميسالش ولا يعرف أسباب أي طلب بينطلب منه لانه خايف من التهديدات وبياثر علي تفكيره بصفة عامة

 خليه يسمع الكلام عن قناعة ورضا


الطفل بيتعلم اعند من خلال المواقف اللي بيرفض فيها انه يسمع لكلام فبيلاقي ان الاب او الام بيبدا يعاند ويصمم علي طلبة والطفل مش فاهم ليه هو بالذات اللي يسمع الكلام ومش مدرك ان امه وابوه بيبقوا خايفين علي مصلحته او عارفين الصح والغلط

والحل انك اتعود تفهم ابنك سبب كل طلب بتطلبه منه وضرر كل حاجة بتمنعها عنه عشان الطفل ميتعلمش العند منك لان ده رد فعل طبيعي لما بيشوف تصميم من لاهل وهو مش فاهم السبب , ولو عودت ابنك انه بيفهم سبب كل حاجة بيعملها هتعوده دايما يفتش عن سبب اي حاجة ويشغل عقله وميسمعش كلام اي حد غريب عنه وميعملش اي حاجة غصب عنه فيفضل طول عمره شخصيته قوية وتفكيره متفتح ومعندوش كبت

وبالشكل ده هتخلي الطفل يسمع الكلام من غير مشاكل نفسية و تعبك معاه مش هيروح علي الارض لما تكوني معوداه علي عادة معينة وهو مقتنع بكلامك من الصعب جدا حد يغيرها ولا يقنعه بحاجة غير اللي انتي بتعملها معاهعلى سبيل المثال لما تكوني منعه طفلك انه ياكل الشيبسى وهو مقتنع ان الشيبسي ده بيوجع بطنه وبيخليه يروح عند الدكتور هيكون صعب علي اي حد تاني يديله شيبسي يواكله وهيكون الطفل هو اللي رافض ومش رافض خوف منك هو هيكون رافض لانه مقتنع من جواه ان التصرف ده غلط

نصائــــح
متخافيش من شكلك بسبب تصرفات ابنك قدام الاهل لان الاهم عندك هيكون مصلحة ابنك ولما بتستجيب لطلبات ابنك خوف علي شكلك الطفل بيستخدمها كأداة للضغط عليك ويتعود أنه ميسمعش كلامك اكتر قدام الناس لانه هيكون عارف انك بتتصرف بشكل مختلف عن الطبيعي
متستخدمش الغصب والعنف عشان ابنك يسمع الكلام واسأل نفسك انت عايزه يسمع الكلام عشان يريحك ولا عشان مصلحته ولو عشان مصلحته يبقى هتختار انك متغصبش ابنك لأنه هيتسبب ليه في اضرار تانية كتير غير انه هيفضل بردو ميسمعش الكلام او بيسمعه قدامك بس ومن وراك بيعمل اللي