مع بداية موسم المدارس كتير من الأمهات بتبدأ تقلق من احتمالية اصابة أطفالها بالقمل من المدرسة. أهم معلومة لازم الأم تعرفها أن القمل مالوش علاقة بمستوي النضافة ده بيبقي عدوي. لو عاوزة تعرفي ازاي تحمي أطفالك من القمل اتبعي الخطوات دي:
تابعي الأطفال
لو لاحظتي أن طفلك بيهرش في راسه بشكل متكرر بلاش تتجاهلي المسئلة لأن الهرش من أوضح علامات الإصابة.
استخدمي مواد طبيعية
في خلطات كتير من الزيوت بتحمي من القمل زي زيت اللافندر مع زيت جوز الهند أو زيت شجرة الشاي مع زيت الزيتون. في كمان بعض اسبراي الشعر التجاري الجاهز المصنوعين من مواد طبيعية. مهم جدا تتأكدي أن المواد الي اخترتي تستخدميها طبيعية تماما لأن في بعض بخاخات المضادة للأمل بتكون مصنوعة من مواد مشابهة للمبيدات الحشرية فمهم تتأكدي من امان المواد المستخدمة وكمان في حالة اختيارك استخدام مواد طبيعية وزيوت مهم أنك تراجعي الطبيب وتتأكدي من المقادير لأن بعض الزيوت دي بتكون حادة وقوية جدا علي فروة الراس.
لم الشعر
من الحاجات الي بتساعد علي حماية بنتك من القمل هو أنها تحافظ علي شعرها ملموم في المدرسة لأن الشعر السايب سهل أنه يلم حشرات الرأس ويسهل العدوي من الأطفال الاخرين.
علمي أولادك العادات الصحية
بغض النظر عن موضوع القمل مهم أنك كأم تعلمي ولادك العادات الصحية والي مش بس هتحميهم من حشرات الرأس لا كمان هتحميهم من الإصابة بأمراض كتير زي مثلا عدم مشاركة فرش الشعر تحت أي ظرف حتي لبس كاب أو توكة أو الحاجات الي بتتلبس علي الراس من حد. علمي بنتك تاخد معاها ايشارب خاص بيها للصلاة في المدرسة وكمان علمي أولادك بلاش يقربوا شعرهم وراسهم بشكل مبالغ فيه مع الأطفال التانيين.
نصائــــح
الإصابة ليست نهاية العالم فلو حصل لا تقلقي كتير من الأطفال بيصابوا كل سنة
تعليقات
إرسال تعليق