القائمة الرئيسية

الصفحات

طريقة عمل اللانشون


طريقة عمل لانشون البيف
اللانشون من أكتر الوجبات اللي أطفالك بيطلبوها يوميا في ” اللانش بوكس ” الخاص بيهم ، وأنتي بالتأكيد نفسك تمنعيهم من تناوله بسب كثره الشائعات الموجوده علي طرق تحضيره ، بس دا بالتأكيد مينفعش لأنك هتمنعيهم من أكتر وجبه هما بيحبوها ، فالبديل المتوفر حاليا قدامك أنك تعمليه في البيت وتكوني متاكده منه بنسبه 100% ، ودا اللي هنقدمهولك بخطوات بسيطه وسهله وتبعدك نهائيا عن الفشل في عمله :

المقادير المطلوبه
_ 4 معالق دقيق كبيره .

_ 2 معلقه نشا كبيره .

_ 6 جبنه مثلثات .

_ 2 مكعب مرقه دجاج .

_ نصف معلقه توم بودره ونفس المقدار بصل بودره .

_ 5 بيضات .

_ 2 معلقه كبار زيت زيتون أو اي نوع زيت متوفر عندك بالأضافه الي نص معلقه مايه .

_ نص معلقه ملح ونص معلقه فلفل أسود مطحون ومثلهم نص معلقه فلفل أسود مش مطحون .

_ ربع فراخ أو لحمه مفرومين جيدا ( اللحمه أو الفراخ حسب رغبتك الشخصيه )

_ 7 فصوص حبهان متقشرين .

_ لون طبيعي ( تقدري تجبيه من عند العطار وهو ملوش اي أضرار ، بالأضافه انك ممكن تعمليه من غير لون بس علشان الأولاد يقتنعوا بشكله قبل طعمه لازم يكون بنفس لون اللانشون الخارجي ) .

_ كوب مصنوع من الأستانلس .

أخلطي المقادير
حطي كل المقادير السابقه في الخلاط ، وأخليطها جيدا جدا وخرجيها من الخلاط وسبيها علي جمب .. وقومي بتجهيز كوب الأستانلس بدهنه بالزيت جيدا وحطي كل الخليط جواه وعليه الفلفل الأسود الغير مطحون .

قومي بتسويته
_ هتقدري تسويه كويس بأنك تملي ” حله ” نصها مايه وتسيبها تغلي كويس جيدا وبعده تنزلي الكوبايه بالخليط فيها وتهدي النار عليه وتغطي الحله ، وتسبيه نص ساعه وبعده تجربي السكينه فيه ، فلو مخرجش معاكي أي خليط في السكينه يبقي كدا الخليط أستوي وأتحول للانشون .

حطيه في الثلاجه
بعد ما يستوي الخليط معاكي تحطيه في التلاجه بدون ما تخرجيه من الكوبايه وتسبيه في الفريرز لمده ساعه وبعده تخرجيه من الكوب بأنك تخبطي عليها من الخلف فهيخرج معاكي بسهوله وتقطعيه بالأسلوب اللي حابينه اولادك .

نصائــــح
اللانشون من الوجبات السهله اللي تقدري لو ظبطتي مقاديره كويس تعمليه أحسن من اللانشون الخارجي .
نوعي في الفراخ واللحمه وممكن تعمليه من غيره .
غطي عليه كويس لأن اللانشون بيستوي عن طريق البخار .

 #طريقة عمل اللانشون البيتى, #طريقة عمل اللانشون السادة, #طريقة عمل اللانشون بالصور فتكات, #طريقة عمل اللانشون باللحمة, #طريقة عمل اللانشون بدون لحم, #طريقة عمل اللانشون سالى فؤاد, #طريقة عمل اللانشون نجلاء الشرشابى


هل اعجبك الموضوع :

تعليقات