ازاي تعرف فكرة مشروعك ناجحة ولا لا ؟

جالتلك قبل كده افكار لمشاريع وكنت شايفها ناجحة جدا بس مكملتش فيها ومبداتش بتفيذ المشروع لانك مكنتش واثق لو حولته لمشروع فعلا علي ارض الواقع هيكون الناس مقبلين عليه زيك او لا ؟ او هو في الاساس عليه طلب او حاجة ولا لا ؟ ومن هنا تيجي فكرة اختبار الفكرة اللي علي اساسها هتقدر تحدد اذا كانت فعلا الفكرة ناجحة ولا لا وتبدا في تنفيذها او لا ؟ في المقال ده هنقولك اكتر من طريقها تعرف من خلالها اذا كانت فكرتك فعلا هتنجح او لا ؟وايه التعديلات اللي محتاج تعملها عليها .

اسال الشريحة او الفئة المستهدفة
ولنفترض علي سبيل المثال انك هتعمل مشروع سواء خدمة او منتج خاص بالمهندسين المعمارين هيسهل عليهم حاجات في تفاصيل شغلهم ، اول خطوة هي انك تشوف مبدئيا هل هيبقي في اقبال من المهندسين للمنتج او للخدمة دي ، اسال ناس في المجال ده وشوف ايه رائيهم في مشروعك او خدمتك لو نفذتها ، واسال اكتر من حد لانك متقدرش تحدد من راي واحد او اتنين .

خد منهم الملحوظات السلبية وابدء اعرف ازاي ممكن تعدل علي فكرتك بالشكل اللي يخليك تتفادي الاخطاء اللي بيقولك عليها ، وخد منهم الملحوظات الايجابية واعرف ازاي هتستغلها في مشروعك بانسب طريقة وبكدة هتكون جمعت معلومات كبيرة هتفيدك عن مشروعك بشكل مبدئي تجنبك الوقوع في اخطاء كبيرة اثناء التنفيذ .

 اتكلم مع ناس في نفس المجال
ابدء اتكلم مع ناس في المجال اللي هتدخل فيه وابدء افهم منهم ايه المشاكل اللي بيواجهوها في شغلهم ايه الايجابيات واسالهم كل الاسئة اللي بتدور في ذهنك ، بدون ماتقول مباشرة علي فكرتك اللي عايز تنفذها لان في ناس ممكن تحبطك او تقلل من عزيمتك بدون سبب حقيقي او منطقي ، ده بشكل كبير هيفتحلك افكار كتير ممكن تضيفها لمشروعك او تعديل للافكار اللي عندك او تعرف حاجات محتاج تتعلمها وده هيساعدك انك تزود من فرصة نجاح فكرتك عند تنفيذها بشكل كبير جدا .

اعمل استطلاع رائي
دلوقتي تقدر تعمل استطلاع رائي بسيط عبارة عن اسئلة انت اللي بتحددها عن المنتج او الخدمة اللي عايز تعملها من غير ما تعلن مباشرة عن الخدمة او المنتج وتعرف اراء الناس فيها ايه ، تقدر تعمل الاستطلاع ده عن طريق type form هتلاقي اللينك بتاعها في اخر المقال ، بتاخد اللينك بتاعه وبتشريه علي السوشيال ميديا للناس اللي مهتمه بالحاجة دي سواء عن طريق جروب او علي الاكونت بتاعك علي الفيس بوك الخ .. بكدة هتكون جمعت اكبر عدد من المعلومات والاعتراضات اللي هتحتاجها عشان تبدا مشروعك بشكل سليم .

استخدم keyword plan
في اداة ممكن تساعدك وهي keyword plan تعرف من خلالها عدد الناس اللي بتعمل سيرش علي المجال ده او الحاجة دي علي الانترنت ودي مبدائيا ولو بشكل بسيط هتعرفك اذا كانت الحاجه دي عليها طلب او بحث او لا ، لكن هي مش الاداة الحاسمة في للنجاح الفكرة ولا لا ؟