ازاى أصحى لصلاة الفجر

صلاة الفجر ليها تاثير كبير علي الشخصية والهدوء وعلى الصحة النفسية والجسدية وناس كتير بتضايق من انها مبتعرفش تصحى لصلاة الفجر ومبتكونش قادرة توصل للاسباب اللي بتخليهم مش عارفين يصلوها وعشان تعرف تصحى وقت صلاة الفجر اتبع الخطوات التالية :

غالبا لما بيكون عندك معاد مهم الصبح بدرى وبتكون خايف ان المعاد يفوتك بتلاقي نفسك بتصحي قبل المعاد وقبل المنبه مايرن بدقايق قليلة وده بيحصل لانك بتكون ظبطت المنبه الداخلي لجسمك بسبب إرادتك انك تصحي وقلقك ان الميعاد يفوتك وعشان تقدر تصحى من غير اي منبه عشان تصلي الفجر انوي نية صادقة انك تقوم وربنا هيعينك لانك استعنت بيه

عشان تقوم تصلي الفجر وصي حد من أهلك إنه يصحيك او وصي حد من اصحابك يكون متعود انه بيصلي الفجر كل يوم انه يرن عليك وقت الصلاة و خليه يرن عليك وقت الأذان بالظبط عشان لو رن عليك قبل ما الاذان يرن ولو بخمس دقايق بيبقي سهل جدا انك تنام مرة تانية ولما توصي اكتر من حد انه يصحيك في نفس الوقت هيكون عندك اكتر من فرصة انك تصحي بس لما تتعود انك تصحي خلاص امنعهم انهم يصحوك متتسببش ليهم ولا ليك في ازعاج

من اقوى الاسباب اللي بتخليك مش قادر تصلي الفجر هو السهر, قدامك حل من اتنين إما إنك تعود نفسك انك تنام بدري او انك لو مش قادر تستغني عن السهر تقدر تبدل وقت سهرك وتنام بدري وتبقي تسهر قبل الفجر علي طول بحيث تكون فايق وقادر تصلي الفجر وبعد كده تقدر تكمل نومك تاني

اصعب سبب بيخليك مش عارف تصحى لصلاة الفجر هو الاستغراق الكامل ف النوم في المكان اللي متعود تنام فيه وعڜان تصحي لازم تغير مكان نومك بحيث تكون نايم نوم خفيف وتقدر بسهولة اول ما الاذان ياذن انك تقوم تتوضى وتصلي

غالبا بنصحي وقت الأذان بالظبط لكن بسبب انك بتكون مرهق وعايز تنام بتقول كمان خمس دقايق ومبتصحاش تاني وعشان تتعود تصلي الفجر لازم تشيل الغطا وتقوم تقف اول ماتسمع الاذان وبمجرد ما تاخد الخطوة دي بيبقي سهل انك تصحي كل يوم بنفس الطريقة والطريقة دي هتساعدك جدا في الشتا لان اكتر حاجة بتبقي عايز تقاومها هي السقعة واول ماتشيل الغطا بتبقي قاومت اكتر حاجه منعاك فتقدر تقوم وتصلي

 #اسباب عدم الاستيقاظ لصلاة الفجر, #اية الاستيقاظ لصلاة الفجر, #دعاء استيقظ لصلاة الفجر, #دعاء يخليني اصحى لصلاة الفجر, #دعاء يساعد على القيام لصلاة الفجر, #كيف تستيقظ لصلاة الفجر بدون منبه, #كيفية الاستيقاظ لصلاة الفجر بسهولة, #لا استيقظ لصلاة الفجر