النهاردة معانا طبق فراخ مشوية بس بطريقة جديدة و صوص مختلف هيديها طعم رائع . طبق النهارده جبنهولك من اليونان لحد عندك علشان تجددي لعيلتك و تكسري الروتين . الطبق هو فراخ مشوية بصوص الزبادي و الليمون علي الطريقة اليونانية . الوصفة مش هتاخد منك أكتر من 30 دقيقة و هيكون عندك أحلي طبق فراخ . يلا بينا نعرف المقادير و الطريقة و نجرب أحلي طعم فراخ .
جهزي المقادير
4 قطع صدور فراخ ، 3 معالق كبيرة عصير ليمون ، معلقة كبيرة خل ، معلقة كبيرة زيت زيتون ، 2 فص ثوم مبشور، 2 معلقة صغيرة بهارات ،2/1 معلقة صغيرة كزبرة ناشفة ، معلقة صغيرة ملح ، 2/1 معلقة صغيرة فلفل إسود ،
2 معلقة زيت
جهزي مقادير الصوص
فنجان زبادي ، معلقة كبيرة عصير ليمون ، معلقة كبيرة شبت مقطع ، 2 فص ثوم مبشور ، 1 1/2
، 2 حبة خيار ، ½ معلقة ملح ، ½ معلقة فلفل إسود .
جهزي الفراخ
إغسلي صدور الفراخ كويس و قطعيها مكعبات علشان متاخدش وقت في الشوي .
حضري الصوص
في طبق كبير ضيفي عصير ليمون ، خل ، زيت زيتون ، ثوم مبشور ، بهارات ، كزبرة ناشفة ، ملح ، فلفل إسود ، و قلبي كويس لحد ما يختلطوا كلهم ببعض .
تبلي قطع الفراخ
ضيفي مكعبات صدور الفراخ لطبق الخليط اللي جهزتيه في الخطوة 3 و قلبي لحد ما تتغطي كل مكعبات الفراخ بالخليط .
حطي الفراخ في الثلاجة
غطي الفراخ و حطيها في الثلاجة لمدة 3 ساعات .
إشوي قطع الفراخ
إدهني الشواية بالزيت و سخنيها لدرجة حرارة متوسطة و حطي قطع الفراخ في أسياخ مدهونة بالزيت و حطيها علي الشواية ، و قلبيها علي الجانبين لحد ما تستوي و تاخد اللون الذهبي .
إعملي الصوص
في طبق صغير ابشري الخيار و ضيفي عليه الزبادي و عصير الليمون و الشبت و الملح و الفلفل الإسود ، و الثوم و قلبي كويس و حطيه في الثلاجة لوقت التقديم .
قدمي و استمتعي
دلوقتي حطي الفراخ المشوية في طبق التقديم و زوقيها بالبقدونس المقطع وشرايح الليمون و قدمي معاها الصوص اللي عملتيه في الخطوة اللي فاتت ، قدميه في طبق منفصل و استعمليه كديبنج و اغمسي فيه قطع الفراخ المشوية هتديها طراوة و طعم ألذ و مختلف .
نصائــــح
المقادير تكفي فردين و ممكن تزودي حسب عدد الأفراد .
قدمي مع الفراخ المشوية بصوص الليمون و الزبادي علي الطريقة اليونانية بطاطس محمرة أو مكرونة و بكده هتكون وجبة متكاملة .
#دجاج بصوص الليمون والثوم, #دجاج بصوص الليمون والكريمة, #صدور الدجاج المشوية بصوص الليمون, #صدور الدجاج بصوص الليمون والزبدة, #صوص الليمون للدجاج المشوي, #فراخ بصوص الليمون دايت, #فراخ بصوص الليمون سالي فؤاد, #فراخ بصوص الليمون فتكات
تعليقات
إرسال تعليق