القائمة الرئيسية

الصفحات




لازم تعرف ان اي حاجه عشان تتعلمها هتاخد مجهود ووقت ، ومش هتعرف تتنطق بالشكل المثالي من اول مره وانك هتغلط وتتعلم ،لازم يبقي عندك استعداد تام انك تبذل مجهود وتغير بعض العادات في حياتك وتخصص وقت للتعليم مفيش حاجه بتيجي في يوم وليلة لكن ده مش معناه ان تعلم اي لغة جديدة حاجة صعبه او مستحيله معناه ان اي مهاره عشان تكتسبها محتاج تتعلمها وتمارسها

حدد وقت يوميا تتعلم فيه اي جزء جديد ،وتحاول تغير بعض عاداتك زي انك هتحاول تتواجد في اي اماكن فيها اجانب او تقلل من وقت القاعده علي القهوه مع اصحابك يوميا وتتعلم حاجه جديدة ومتخافش اي حاجه في اولها صعبه بعد كده بتبقي مهاره عندك سهل استخدمها في اي وقت .

اتعلم الحروف والأرقام
اول حاجه ضروري ولازم تتعلمها انك تبدا تعرف شكل الحروف والارقام والضماير تقدر تتعلمها بشكل اسرع عن طريق ربط شكل الحرف برسمه او شئ بيفكرك بيها وفي كتب للتعليم ممكن تعلمك بشكل مبسط زي ان حرف الb علي شكل الكورة
b –>ball ⚽️ بالطريقه دي هتستقر في الذاكرة بشكل اسرع لفترة طويلة .

اتعلم الكلمات الاساسية للغة
عن طريق videos بتشرح ده علي حاجات واقعيه عن طريق الاشاره علي الشئ نطق اسمه مع تكرار استخدمها في المواقف المختلفة هتبدا تجمع حصيله لغويه حتي عن الكلمات الاساسية اللي هتحتاجها يوميا في اللغة .

اسمع جمل كامله
ابدأ اسمع الكلمات اللي حفظتها في جمل كامله ، جمل فيها الكلمات الانت اتعلمتها في مواقف حياتيه وده هيساعدك انك تتعلم كلمات اكتر والحصيلة اللغية عندك تزيد معرفة جمل علي بعضها هيخليك تقدر تعبر عن الحاجات الاساسيه اللي عايز تعبر عنها بجمل وده هيشجعك اكتر ويديك دفعه انك تكمل وتتعلم اكتر واكتر .

اقرأ كتير
القرآه من الحاجات اللي هتخليك تكتسب معرفة كلمات كتير جداا في البداية هتبقي صعبة وبتاخد وقت كبير في قراية صفحة واحدة لكن هتخليك تكتسب حصيلة كبيرة جدا والافضل وانت بتقرا تستخدم مواقع الترجمة وتسمع نطق الكلمات اللي بتقراها عشان كمان تعرف تنطقها ولما تسمعها بعد كده تفهمها ، ابدء بقراءة كتب سهله او اطفال بعدين تدرج اي كلمه متعرفش معناها تترجمها وتسمع نطقها وتكتبها في نوتس عندك .

اتفرج علي افلام واسمع اغاني
اتفرج علي افلام مترجمه بلغتك عشان تقدر تفهمها بعد ما تبدا تفهمها او تعرف كلمات كتير ممكن تسمعها مع ال (subtitiles) كتابها بلغتها الاصليه علي الشاشة مع تكرار مواقف وجمل وكلمات هتقدر تتعلم مصطلحات و كلمات كتير .

اتعلم مجال بتحبه
لو في مجال معين بتحبه ممكن تجيب فيديوهات في المجال اللي بتتعلمه مترجمه باللغة اللي عايز تتعلمها و بكده هتستفيد انك بتتعلم المجال اللي بتحبه وتنمي اللغه وهتبقي مستمتع جدا وحاسس بنتايج في المجالين .

استخدم مواقع التبادل اللغوي
مواقع التبادل اللغوي عليها اجانب من جميع انحاء العالم ممكن تتعلم منهم مقابل انهم يتعلموا لغتك الاصليه وده هيبقي نوع من الممارسه وتمرين علي النطق بشكل سليم وهتتعرف علي ثقافات مختلفه وهتبقي تجربه ممتعه جدا هتديك خبرات كتير .

اتطوع في جهات تطوعيه عالميه
اتطوع في المنظمات او الجهات التطوعية او الخدمية العالمية سواء الخاصة بحقوق الانسان او بعمل الخير او بتعارف الثقافات المختلفة علي بعض لان عن طريق التطوع معاهم هتضطر تختلط باجانب كتير و تتكلم وتغلط وتتعلم و هتكتسب خبره كبيره جدا وكمان هيفيدك في كاريرك في المستقبل لانه هيزودك في شهادة الخبرة .


هل اعجبك الموضوع :

تعليقات