القائمة الرئيسية

الصفحات




المنح هي دعم مقدم من واحدة من الجهات الآتية لتقديم فرصة تعليم أفضل

1- منح مقدمة من جهات حكومية

2-منح مقدمة من مؤسسات و جامعات مثل جامعة هارفارد

3-منح مقدمة من رجال الأعمال زي ساويرس

وعشان تعرف ازاي تقدم علي منحة اتبع الخطوات التالية :-

جهز اهم خمس متطلبات للمنح
اي منحة بيكون ليها متطلبات بتختلف عن بعضها ولكن اهم خمس متطلبات في المنح عامة هما

الـ application الابليكيشن
اي منحه بيكون مرفق معاها ابليكيشن بتكتب فيه معلومات عنك(اسمك وسنك وعنوانك ودراستك )واهم شئ الاعمال التطوعية اللي قمت بيها وحاول علي قد ماتقدر تكون مؤثر فيها عشان تكتب ده في الابليكيشن لانهم بيختاروا الاشخاص اللي بيكونوا عايزين يسيبوا أثر في المجتمع

الابليكيشن اما انه بيكون موجود في الاعلان عن المنحة او بيطلبوا منك تراسلهم على الايميل الخاص بيهم وبيبعتوهولك

1 Recommendation letter خطاب التوصية

تقدر تحصل على خطاب التوصية من 3 مصادر

1-رئيسك في العمل التطوعي

2-دكتور او معيد عندك في الجامعة

3-رئيسك في العمل

وده بيكتب قدراتك وأنك شخص متعاون وطموح ومميزات فيك وفي شخصيتك وتعاملاتك مع الناس وقدرتك علي العمل الجماعي وهكذا ..

ولو مقدرتش تطلب منهم يكتبوه تقدر تجيب نموذج ليه من جوجل وتطلب منهم بس الإمضاء عليه واحيانا بيحطوا ايميلاتهم بس والموضوع سهل جدا

1 Statement of grade بيان الدرجات
يعني لو أنت بتدرس في الجامعة في سنة تالتة هتروح تعمل بيان الدرجات بتاع التلت سنين اللي فاتوا ولو في الثانوي نفس النظام ولازم يكون مترجم .

ولو الجامعة أو المدرسة هتديهولك مش مترجم هتروح تترجمه من اي مكتب ترجمة أو من كلية الآداب ولازم تروح تختمه بختم النسر من المكان اللي عملته منه ، وممكن تجيب نموذج زيه من جوجل وتبدأ تعمله بنفسك وتروح تختمه

1 Personal discourse الخطاب الشخصي
وده بتتكلم فيه عن نفسك غالبا بيكون في 500 كلمة وتقول ايه سبب انك عايز تاخد منحة وليه المنحة دي بالذات وعن شخصيتك ومهاراتك وهكذا وخلي بالك انك تتكلم انك عايز ترجع بلدك تفيد بيها غيرك

1 test اختبار التويفل او الايلتس
أغلب المنح واهمها بيطلب منك امتحان الايلتس بدرجة 677 او توفل بدرجة 120

للـ international واغلب المنح بيطلب international

ومذاكرة الايلتس او التوفل بتاخد منك حوالي 3 اسابيع او شهر تقدر تنزل كتاب longman عشان يساعدك وفي كورسات كويسة جدا علي edx

وحاول تتمرن علي الامتحان اكتر من مرة قبل ماتروح تمتحن لان الامتحان دلوقتى تقريبا بقي ب 3000

جهز المتطلبات الاحتمالية
ودي طلبات مش كل المنح بتطلبها ونادرا لما بتنطلب زي انهم بيسألوك سافرت نفس البلد قبل كده ولا لا وال C.v واختبار اللغة الثانية الخاصة بالبلد اللي هتاخد فيها المنحة

خلي بالك من مواعيد التقديم علي بعض المنح
مواعيد منح الحكومية الأمريكية بتكون في شهر 11 و12 و1

منح الزمالة بتكون في شهر 8 و9

منح البكالوريوس بتكون في شهر 1 و2 و3

منح التبادل الثقافي بتكون في شهر 1 و11 و12

تابع اهم مواقع لتقديم المنح
ومن اهم المواقع اللي بتعرض المنح بشكل سهل ومبسط وبتساعدك علي تقديم المنحة هما

موقع فرصة

مرجع

وhey success وهتلاقي لينكاتها في المصادر اخر المقالة

نصائــــح
أهم حاجة في المنحة تعرف مين اللي ممولها عشان تعرف المنحة دي كويسة من غيره
بلاش تروح تقدم علي منحة عليها ضغط كبير زي المنح المقدمة من الجهات الحكومية الافضل المنح اللي بتقدمها الجامعات مبيكونش عليها ضغط وبتتقبل فيها بسهولة اكتر
المنح مش بس برة مصر في منح كتير تقدر تاخدها وانت موجود في بلدك أو منحة من جوه مصر زي اللي بتكون مقدمة من مصر الخير


هل اعجبك الموضوع :

تعليقات