ازاي اثبت وزني

زيادة الوزن حتي لو لبعض الجرامات بشكل مستمر تدريجي هي اللي بتسبب السمنة علي المدي البعيد ، الوصول للوزن المثالي ثم العودة تدريجيا للوزن السابق من الحاجات اللي بتؤرق الشخص وبتخليه دايما عنده هاجس وخوف ان يحصله سمنه بسبب عدم ثبات الوزن .

راقبي وزنك باستمرار
من الخطوات الاساسيه والمهمه عشان تقدري تثبتي وزنك يكون عندك ميزان خاص بيكي بالبيت ويفضل لو كان رقمي عشان تقدري تحددي تحديد دقيق وزنك بالجرامات .

راقبي وزنك باستمرار اسبوعيا ، مراقبتك لوزنك باستمرار هتخليكي منتبهه لو زيتي نص او ربع كيلو هتعرفي وهتقدري تخسيهم بسهوله فائقه لكن لو اعتمدي علي احساسك بالوزن فقط هتبدئي تحسي بزيادة وزنك بعد ما تكوني اكتسبتي 3 كيلو علي الاقل فهيصبلك احباط وخيبة امل ان وزنك بدا يزيد بعد مجهود كبير .

اوزني نفسك مره علي الاقل اسبوعيا عشان اي زياده بسيطه في الوزن تقدري تنزليها اول باول

اعملي توازن /اخدعي جسمك
في كذا حيلة عشان تحافظي علي وزنك ثابت منهم

التزامك بنظام صحي دايم ولو في اكل دسم فتقري تاخدي منه كمية قليلة جدا مع الرياضه الاسبوعيه مرتين ل 3 مرات

تمشيها بنظام الايام ، انك لو لخبطتي في الاكل 3 ايام تبدئي تمشي علي دايت 3 ايام ، او تلخبطي يوم وتلتزمي بالدايت يوم مع الرياضه

التزم بوجبة واحده فري فالفطار او الغدا والتزم بالوجبتين التانين يكونوا وجبات صحيه ، الوجبه الفري تكون في فترة الصبح
للساعه 5 العصر حد اقصي لان الجسم في الفترات دي بيبزل اكتر مجهود فبيتم حرقهم وبيكون معدل الحرق في افضل حالاته

اشرب مايه وعصاير ومشروبات كتير وباستمرار سواء دافيه في الشتا وبارده في الصيف لان احيانا الجسم مبيفرقش بين احساس الجوع والعطش ، شرب مشروبات وعصاير ومياه باستمرار هيخلي المعده مملية بشكل مستمر وهينظم عدد مرات اكلك وهينظملك الاحساس بالجوع بس في الاوقات اللي فعلا جسمك محتاج للاكل فيها

اتحرك باستمرار
مش شرط بس تكون بتلعب رياضه عشان تخس او تحافظ علي وزنك ،المجهود عموما والحركه سواء كانت في الشغل او في شغل البيت او سواء في الخروج او ركوب العجل او طلوع ونزوك السلم ، اي شكل من اشكال المجهود البدني في العموم هيساعدك تحافظ علي وزنك وجسمك .

زود عدد وجباتك
متقللش عدد وجباتك او تختصر وجبة اعتقادا منك بان تقليل عدد الوجبات هيقلل من الوزن ، في البداية بالفعل هيقلل من وزنك لكن بتعود الجسم هيقل الحرق كمان لان الجسم بياقلم نفسه يحرق علي عدد الوجبات فبدل ما تخليه يحرق تلت مرات يوميا بتخليه يبدا يقلل الحرق لمرتين بس .

زود عدد الوجبات ل6 وجبات او خمسه ، 3 وجبات رئيسيه و3 وجبات خفيفيه بينهم فواكهه وخضرات او شوربه او نصف بطاطسية مسلوقه او اي نوع من الاكل الخفيف الصحي ، ده هيخلي معدتك مليانه باستمرار ووجباتك الرئيسيه حجمها هيقل تلقائيا ، الوقت الطويل بين الوجبات بيخلي الشخص في حالة من سيطرة الجوع عليه بتخليه ياكل بمعدل اكبر بكتير من معدله الطبيعي وبيبقي عنده حالة شرهه غير طبيعي للاكل .

كل نشويات
المعروف عن النشويات زي الرز والمكرونه والعيش الخ.. انها بتساعد علي زيادة الوزن لكن النشويات كمان من مميزتها انها بتساعد علي الشبع لفتره طويله جدا عن اي نوع اكل تاني ، فخلي في قدر من النشويات في اكلك بس بكميات اقل بدل ما بتاكل طبق كامل قلله لنص طبق واخلط معاه سلطه او تونه او اي حاجه تحبها تخلي عندك طبق كامل كبير يشبعك بس مش كله نشويات.

ده هيخلي طبقك متكامل فيه كل الفيتامينات اللي جسمك محتاجها وفي نفس الوقت بيشبع بس بكمية اقل من سعرات الطبق الاصلي من (المكرونه فقط) ، لو حابب تاكل انواع معينة من الاكل كلها بس باقل سعرات زي البطاطس حاول تاكلها مسلوقه او في الفرن او معموله في جريل بزيت قليل هيبقي افضل بكتير من اكلها مقليه.

تناول كل انواع الاكل
الحرمان من انواع معينه من الاكل باستمرار او من معظم الاكل بيخلي الشخص يجيله حالة ملل وشراهه غير طبيعيه ناحية جميع انواع الاكل وبيخلي الشخص يلتزم لفترة ويبوظ النظام كله مره واحده وتكتسب وزن كبير في فتره صغيره لكن التوازن واكل اصناف الاكل باعتدال هيدي لجسمك كل الفيتامينات والمعادن اللي بيحتاجها وفي نفس الوقت هيخلي عند قابلية للالتزام لنظام لفترات طويله .

كُل كل انواع الاكل بس بشكل مختلف مش لازم تاكلها مقليه ومليانه بالدهون والسمنه نوع في طريقة عملها كل نوع من الاكله ليه مئات الطرق اللي ممكن يتعمل بيها ويبقي صحي او علي الاقل اقل في الدهون اوالزيوت والسعرات ،دور علي كذا طريقه لعملها الاكل بسعرات اقل سواء مشويه او في الفرن او بزيت اقل الخ ..

ابدأ بالبروتينات
البروتينات من المكونات المهمه جدا و الاساسيه بالنسبه للجسم وفي نفس الوقت مبتحتويش علي سعرات كتير فحافظ علي انك تبدا باكل البروتينات اولا سواء لحم او فراخ او اسماك او جمبري بيض الخ .. ثم باقي الطعام او علي الاقل خليها مع الاكل اللي بتاكله في بداية اكلك ،متاجلهاش في اخر وجبتك .

البروتينات هتملي جزء كبير من المعده وهتساعدك تاكل كميه اقل من بقية انواع الاكل اللي بتحتوي علي سعرات كبيره ، يفضل اكل البروتينات مشويه او مسلوقه او مقطعه مع البصل والفلفل واي نوع خضار بتفضله مع البهارات زي القرفه وبابريكا الخ .. مع كميه قليله من الزيت في طاسه تيفال بكده هتقدري تعملي طبق كبير هيساعدك علي الشبع وقليل السعرات الحرارية .

استشير طبيب
في حالة ان وزنك بيزيد بدون اسباب منطقيه او برغم تنظيمك لوجباتك ومعدل اكلك ، فالافضل مراجعة طبيب تغذيه وعمل التحليلات اللازمه لمعرفة السبب وعلاجه من الاساس .

نصائــــح
متاكليش في وقت متاخر او قبل النوم .
الاكل الصحي مش شرط يبقي مسلوق بس .
البهارات هتساعد جسمك علي الحرق .
اول ما تحسي بزياده بسيطه في الوزن حاولي تقليله فورا .