ازاى تنام وتصحى بدرى

حاجات كتير من حياتنا بتتوقف و تتأجل بسبب نظام نومنا اللى مبنقدرش على تغييره بسهولة لأنه بيرتبط بأسباب كتير مثل “عدم إنجاز المهام -النوم بعد الظهر _شرب اكتر من كوب قهوه _ حب السهر لهدوء الليل _الاستيقاظ متاخر _الراحة” ولو عايز تنام بدري لازم تعرف سبب تاخيرك في النوم وتحالول تحلها بالطرق التالية :-

 إنجاز المهام خلال اليوم
اول واهم الاسباب اللي بتتسبب في النوم متاخر هي عدم إنجاز المهام خلال اليوم ،وفي الاغلب بيكون بسبب عدم تنظيم الوقت، فلو عايز تتعود تنام بدري نظم وقتك وترتب مهامك لاولويات بحيث تقدر تنجز على الأقل أهم أعمالك

 الاستيقاظ المبكر
النوم بدري مرتبط ارتباط قوي جدا بالاستيقاظ المبكر فلو عايز تبدأ تنظم نومك وتنام بدري وتبدأ حياتك صح ابدا بالاستيقاظ المبكر ومتنمش في النهار هيكون صعب في الاول لكن هتجيب نتيجة سريعة وخلي بالك متعملش ده في يوم يكون عليك شغل او دراسة فيه عشان مش هتكون مركز،ودايما فكر نفسك بفوائد الاستيقاظ بدري عشان يكون حافز ليك يشجعك تنام بدري زي الصحة الذهنية وتوفير الوقت والصحة الجسدية،وعشان تقدر تصحي بدري ساعد نفسك بالطريقة الاتية:

فكر نفسك بالمهام “اضبط ساعة التنبيه على الوقت اللي عايز تستيقظ فيه، وبمجرد أن ينطلق جرس التنبيه افتح عينيك، والتقط هاتفك المحمول واقرأ رسائل البريد الإلكتروني الخاصة بالعمل.” أو جدول المذاكرة أو أي حاجة وراك في اليوم تكون كاتبها جنبك أو في رسالة تنبيه على الموبايل وده هيزيد من إفراز هرمون الأدرينالين، لأنك هتشوف الكثير من الأمور اللي بتحتاج لانتباهك،

 ساعد نفسك على الاسترخاء
عن طريق:

1-شرب كوب ميه قبل التوجه إلى الفراش هيساعدك على الهدوء والنوم ، ووضع الهاتف أو ساعة التنبيه بعيد عن السرير بحيث تقدر تقوم وتطفيه

2-القراءة قبل النوم في ناس بتنام لما بتقرأ لأنها بتركز في حاجة واحدة وده بيساعدها على الاسترخاء والنوم ،

3-شرب كوب ينسون يهدئ الأعصاب وبيساعد على النوم

4-استدعاء هرمون الاندروفين

أثناء النوم العميق ، خاصة بعد يوم متعب وشاق ، يفرز الجسم هرمون الإندروفين ، الذي يساعد على النوم بشكل أفضل ، ويجعل الشخص في حالة جيدة مع الاستيقاظ في اليوم التالي .

-مارس الرياضة قبل النوم لان بعد ممارسة الرياضة يفرز الجسم أيضا هرمون الاندروفين ، وبكمية كبيرة ، حيث تحفز التمارين الرياضية البسيطة الجسم على إفراز هرمون الاندروفين ، حتى لو تم ممارستها لفترة بسيطة .

5-السكون لمدة 10لـ15 لأن إذا ظل الإنسان في سكون تام لمدة 15 دقيقة فإنه غالبا ينام تلقائيا

 استبدال سكون الليل بهدوء بعد الفجر
من أكثر أسباب السهر حب الناس هدوء وسكون الليل عشان بيقدروا ينجزوا مهام أو يذاكروا في جو هادئ .. عشان تقدر تنام بدري استغني عن هدوء الليل بهدوء بعد الفجر بل بالعكس التركيز هيكون أعلى لأن العقل هيكون اتغذي كويس وهتنجز في وقت اقل من اي وقت هتشتغل فيه تاني وهيكون عندك نشاط وحيوية تقدر تكمل بيهم يومك بشكل أفضل