ازاي استغني عن المكياج

ممكن تكوني بتستخدمي المكياج للتجميل وممكن تكوني بتستخدميه عشان تداري عيوب في البشرة وفي الحالتين بتجهدي بشرتك اكتر وبتتسببي ليها في اضرار انتي في غني عنها ،وفي نفس الوقت تقدري تعرفي اكتر من بديل للمكياج وبيديلك نفس النتيجة بس من غير ماتضريها
وعشان تعرفي ازاي تقدري تستغني عن المكياج اتبعي الخطوات التالية:-

 استخدمي بديل كريم الاساس

مرري قطنة مبلوبة بالمية الدافية علي بشرتك وبعد خمس دقايق اغسلي وجهك كويس جدا ومرري عليه قطعة تلج وده هيسد المسام ويخلي بشرتك مشدودة طول اليوم مهما كانت درجة الحرارة

 استخدمي الخروع كبديل للماسكرا

هاتي علبة ماسكارا فاضية وهتمليها بعض النقط من زيت الخروع والجلسرين لان زيت الخروع لوحدة هيبقي تقيل علي العين او زيت الزيتون وهتستخدميها قبل النوم او حتي قبل الخروج ودا هيعالج الرموش وهيديها كثافة في نفس الوقت

 استخدمي البدائل الاتية للكونسيلر

مع استخدام الكونسيلر بشكل كبير بيبدا يظهر هالات لونها فاتح تحت العين وبيخلي الهالات تظهر اكتر من الاول ،وتقدري تستخدمي اكتر من بديل طبيعي تعالجي بيها الهالات السودا بدل ماتخفيها وتضري بشرتك اكتر

ممكن تستخدمي البطاطس عن طريق تقطيعها شرائح وتحطيها علي عينك لمده 10 دقائق ،،او استخدمي كمادات الشاي البارد وكمادات الخيار لمنطقة تحت العيون والجفون؛ لأن الكمادات دي بتشتغل علي تقليل تمدد الاوعية الدموية وتلوينها تحت العين

وتقدري تستخدمي مية الورد عن طريق مسح منطقة تحت العين بقطنة مبلولة بيها وسبيها لمدة 15 دقيقة ومش هتحتاجي تغسليها ،او زيت اللوز هيخلصك نهائيا من الهالات السود ، وتقدري تستخدمي فيتامين E، او تستخدمي منقوع البابونج عن طريق غلي كمية من اعشاب البابونج في كمية مية قليلة وصفيها وسبيها لحد ماتبرد واستخدميها بشكل يومي كل يوم الصبح وسبيه علي عينك لمدة من خمس ل 10 دقائق

 بدائل الروج

التعرض لأشعة الشمس، التدخين، الجفاف والاكثار من الكافين بيسبب اسمرار الشفاة ومستحضرات التجميل الكيماوي بيضرها اكتر عشان كده ممكن تستخدمي البنجر كبديل طبيعي لاستخدام الروج عن طريق انك تجيبي
( ثمرة بنجر ،زبدة كاكو “لون فاتح”ملعقة صغيرة جلسرين ،ملعقة صغيرة ماء ورد)

بيتم عصر البنحر كويس جدا وتصفيته ووضعه مع باقى المكونات، بعدين تسيبيه نصف ساعة بعدين تقشري الشفاه بقوة عشان تفتحي المسام عن طريق العسل الابيض مع السكر وبتفركيها كويس اوي بعدين تغسليها ، بعدين بيتم وضع الخليط عليها كوضع أحمر الشفاة لمدة 10 دقاق مع التكرار تلت مرات قى اليوم، بعد كدا بتغسليها بالمية الفاترة وتداومي علي الطريقة دي لمدة اسبوعين عشان توصلي لافضل النتائج

او عن طريق العسل الابيض بس بتستخدميه بشكل يومي قبل النوم وده بيرطب الشفاة ة ويدها لونها الطبيعي ويغذيها ،او عن طريق خلط بذور الرمان المهروسة مع السكر وزيت الزيتون واستخدميها بشكل منتظم.

 حافظي علي بشرتك دايما رطبة

أفضل العناصر التي تساعد على ترطيب البشرة الجافة هي الألوفيرا. استخدمي قطعة من أوراق نبات الصبار واستخلصي منها الهلام واستخدميها لترطيب بشرتك

او استخدمي الكركم والزبادي لتجديد بشرة الوجه عن طريق خلط كمية مناسبة من الزبادي مع القليل من الكركم واستخدمي الخليط على بشرة الوجه لتقليل ظهور البقع الداكنة وتفتيح لون البشرة وترطيبها.