ازاي تتعاملي مع الراجل الغيور
بعض البنات بعد الخطوبة او الجواز بتكتشف ان جوزها غيور جدا وانه مبيحبهاش تتعامل مع حد كتير وبيعترض علي حاجات كتير في لبسها وتصرفاتها الخ .. ومبتقباش عارفه ايه التصرف اللي ممكن يقلل الصراع ما بينهم وتقدر تحقق اللي هي عوزاه من غير ماتحصل مشاكل ، في المقال ده هنقولك خطوات هتساعدك تقللي المشاكل ما بينكوا .
سبيه يتصدر المشهد
سبيه يتصدر المشهد وانتوا مع بعض ،متحاوليش دايما وانتوا مع بعض تبادري وتسالي حد غريب في الشارع عن مكان معين عايزين تروحوه او غيره ، سبيه يتصدر المشهد او لو عايزه تسالي علي حاجه ممكن تقولي له وهو يسال .
متنطلقيش في تصرفاتك وتعاملاتك وتتصرفي بتلقائيه وحسن نيه لانه في الغالب ده هيثير غيرته وهيعتبر انك مش بتعمليله اعتبار وهيخليه يحاول يقلل عدد مرات خروجك لوحدك من غيره
متتكلميش علي صحابك قدامه
متحاوليش تتكلمي علي زمايلك في الشغل او الدراسه او اي شخص معين كتير قدامه ،او تركزي علي شخص معين انو عجبك تصرفه في موقف معين وتبيني له اعجابك بتصرفه لان ده في الغالب هيبقي سبب مشكله كبيره ما بينكوا لانه دايما مش هيحب يحس ان في حد لفت انتباهكك او انك بتفكري في حد غيره او بتتعاملي مع حد من زمايلك كتير وهيخلكي دايما في صراعات معاه وبتبرري موقفك .
عرفيه علي اصدقائك
حاولي بقدر الامكان حياتك متبقاش غامضه وتصرفاتك و لو امكن حاولي تعرفيه علي اصحابك ولو حتي بشكل سريع عشان يبقي مطمن الي حد ما وانتي معاهم ازرعي الثقه في قلبه من ناحيتهم دايما تحكيله عن المواقف الكويسه اللي بيعملوها او اخلاقهم معاكي عشان يديكي قدر من مساحة الحرية تقابليهم وتخرجي معاهم .
حاولي متذكريش مساوئهم قدامه وتعرفيه ان هما بيحترموه او بيحبوه بطريقه غير مباشره او بيتكلموا عنه بشكل كويس علي قد ماتقدري دا هيزود ثقته الي حد كبير في الناس اللي حوليكي وهيقلل من غيرته ناحيتهم .
اظهري احترامك وحبك وتقدريرك ليه
اتكلمي معاه باستمرار وفهميه انك بتحبيه وانك لو لفيتي الدنيا كلها واتعاملتي مع الاف البشر بردو بتحبيه ، الكلام دا بشكل كبير هيطمنه باستمرار وهيريحه وهيزود ثقته فيكي وهيزود الحب ما بينكوا .
اتكلمي دايما عن ولائكوا وانتمئكوا لبعض وولائك للاسره وحبك ليها ولاطفالك لما تتكلمي عن حاجه تخصكوا حاولي تتكلمي بصيغة الجمع احنا ومستقبلنا واولادنا ده هيحسسه بانتمائك ليه وللاسره وهيقلل من خوفه وغيرته .
بينيله دايما احترامك لتفكيره واحترميه بشكل عام وحاولي تحسسيه انك محترمه شعوره ده وانك محافظه علي ده حتي في غيابه وعدم وجوده وانك بتقدريه ، الي حد ما ده هيقلل من المشكله وهيزود الثقه عنده وهيديكي مساحة حريه .
متتجاهليش اتصالاته
حاولي وانتي بره اما يتصل بيكي تردي عليه وتعرفيه اخبارك بشكل سريع وانك بخير وان كل حاجه ماشيه تمام ،وتبقي معرفاه برنامج يومك مش شرط بشكل تفصيلي بس عشان يبقي مطمن وحاسس انك مش بتخبي عنه حاجه او حابه انك تشاركيه تفاصيلك .
ادعميه
الافراط في الغيره بشكل او باخر نابع من نقص من الثقه بالنفس او نقص الثقه بالاخرين والاعتقاد الاعتقاد دايما بان الناسحواليهم عندهم اهداف سيئه وعندهم نوع من سوء ظن بالاخرين بشكل مطلق.
حاولي دايما تكلميه عن نفسه بايجابيه وان عنده مميزات مش موجوده في حد وممكن يستغلها بشكل كويس ، ساعديه يطور من نفسه سواء ياخد كورس معين او يفتح مشروع في حاجه بيحبها حاولي تشوفي نقط قوته وتخليه يستغلها او تساعديه او انه يطور من نفسه بشكل عام دا هيزود ثقته في نفسه وبالتالي هتزيد ثقته فيكي.
اهتمي بلبسه ومظهره وانه يبقي في افضل شكل دايما دا هينعكس عليه بشكل كويس وهيحس انك مهتمه بيه وفي نفس الوقت هيزود ثقته بنفسه
اطلبي منه انو يدعمك
اطلبي منه انك نفسك تبقوا ناجحين و حياتكوا تبقي ناجحه واطلبي منه ان كل طرف منكوا يدعم التاني ويشجعه و فهميه انك بتبقي فرحانه لما بيشجعك وبينيله ده في كل موقف بيشجعك فيه ،عرفيه دايما انك فخوره بيه وقوليله انك نفسك تنجحي سواء في حياتك العمليه او معاه وانك نفسكان هو كمان يبقي فخور بيكي دا هيزود احساسه بالمسؤليه اتجاهك فهيخليه يديكي مساحة حريه اكتر وهيحس ان نجاحك بيرضيه وبيرضي غروره .
idea نصائــــح
النوع ده من الازواج محتاج الصبر والمسايسة والعند هيخلق مشاكل كبيرة ما بينكوا .
متحاوليش تعملي تصرفات يبقي مش فاهمها تثير شكه ناحيك .
لو كنتي لسه في فترة الخطوبة فكري كويس وخدي القرار اذا كنتي هتقدري تستمري او لا ؟
#الرجل الغيور المتملك, #الرجل الغيور في الاسلام, #الرجل الغيور والشكاك, #الزوج الغيور ناعمة الهاشمي, #الغيرة الشديدة عند الرجل, #تصرفات الشخص الغيور, #زوجي غيور, #علامات الرجل الشكاك
تعليقات
إرسال تعليق