ولان التخسيس بيعتمد بشكل اساسي علي حرق السعرات يوميا ومعدل حرق الشخص كليا ، في المقال ده هنقولك ازاي تحرقي من 500-1000 سعر حراري في اي ساعة فاضيه في يومك تساعدك علي انك تخس من كيلو الي كيلو ونصف اسبوعيا بجانب تنظيم الطعام …
من الممكن زيادة خسارة الوزن عن المعدل ده او نقصه علي حسب وزن الجسم وعلي حسب عدد مرات الرياضة يوميا ومدتها وعدد السعرات اللي بتدخله يوميا ولكن لاشك ان حرق 1000 سعر حراريا اضافيا باليوم سيساعدك علي خسارة الوزن بشكل صحي واسرع .
العبي زومبا
استعيني بفيديوهات العاب ” الزومبا ” من اليوتيوب ،تستمر حصة رقص الزومبا ساعة كاملة من الوقت ومن ضمنها رقصات لاتينية أخرى كالسامبا والرومبا والسالسا والمامبو والريجاتون والتانجو وبيلي دانس،ممارسة رقصة الزومبا هتساعدك علي مرور الوقت المخصص للرياضة بدون الشعور به لانها حركات رقص مرنة بتضفي جو من الفرح والمرح والسعادة .
اجعلي رقصات الزومبا السريعة بيتخللها رقصات اكثر هدوئا كالسالسا والتانجو بين كل رقصة سريعة والاخري لان ساعة كاملة من رقص الزومبا السريع هيسبب ارهاقك بشكل كبير وبالتالي مش هتقدري تحافظي علي ساعة كاملة يوميا ، اجعلي الفترة الاولي من التمرين لتعليم اداء حركات رقصة الزومبا بشكل سليم عشان تقدري تأدي الحركات بشكل ثلث مع الموسيقي .
كمان الزومبا هتساعدك تقللي من الاكتئاب او تتخلصي منه لانها بتساعد علي رفع هرمون السيروتونين “هرمون السعادة ” وده هيساعدك علي الإحساس بالراحة والهدوء والسعادة …
كمان هتساعدك تقضي على التوتر؛ لأنها بتعتمد على الرقص والموسيقى، وبتساعدك علي تعزيز الثقة بالنفس وعلي شد عضلات كل اجزاء الجسم البطن والارداف والازرع وتقوية عضلات الحوض وبتساعد علي تحسين ملاح الوجه ونضارتة وتفتيح البشرة لانها بتزود من الاكسجين في الجسم وتحسين سير الدورة الدموية .
نط الحبل
العبي لمدة نصف ساعة نط الحبل ، نط الحبل تعتبر رياضة كاملة لانها بتساعدك علي تحريك جميع عضلات الجزء الاسفل من الجسم وتقوية عضلات البطن والظهر بالاضافة علي انها بتساعد علي تحسين اداء الجهاز التنفسي والقلب .
نط الحبل من اكثر الرياضات اللي هتساعدك علي حرق السعرات بسراعة وانقاص الوزن ، 15 دقيقة من نط الحبل = 30 دقيقة من لعب كرة القدم =45 دقيقة من السباحة …
كمان هتساعدك علي التخلص من دهون اللي بتتراكم في منطقة الارداف ،ولكن يجب استشارة اخصائي قبل ممارسة رياضة نط الحبل اذا كنت بتعاني من بعض المشكلات بالظهر او الركبة او الكاحل ، يمكنك فقد من 590 سعر ل 735 سعر او اكثر خلال ساعة من نط الحبل علي حسب الوزن ، نظمي انفاسك اثناء ممارسة هذه الرياضة لكي تتمكن من الاستمرار بها ،
صعود ونزول السلم
صعود ونزول الدرج يساعدك بشكل كبير وفائق وسريع علي حرق السعرات الحرارية كما انه مفيد في تحسين الشكل الخارجي للجسم وتقوية العضلات وتحمل أي ضغط اضافي عليها مع القدرة علي تنزيل دهون منطقة الارداف .
10 دقايق من صعود ونزول السلم = ساعة من المشي ،ساعة من طلوع ونزول السلم تحرق 1400 سعر ،حاول ان تستبدل المصاعد الكهربائية بالسلالم العادية .
ممارسة رياضة صعود ونزول الدرج سهله لانها بتتوفر بجميع المساكن والشركات وكل شئ ومش بتحتاج لتكلفة اشتراك شهري ، وليها كتير من الفوايد زي تحسين الدورة الدموية و تقوية عضلات القلب والفخذين والحوض خصوصا لدي السيدات المتقدمات بالسن ، ولكن احرص علي مراجعة الطبيب اولا اذا كنت تعاني من امراض المفاصل او ضيق التنفس .
الجري بسرعة
الجري بسرعة لمدة ساعة بيساعدك علي حرق 1022 سعر حراري ، ولكن اولا يجب اخذ الموضوع تدريجيا بالبدء لمدة ربع ساعة يوميا لمدة اسبوع ثم 30 دقيقة لمدة اسبوع ثم 45 دقيقة ثم ساعة ،مع التعود علي تنظيم الانفاس اثناء الجري .
ركوب الدراجات
ركوب الدراجة لمدة ساعة تساعدك علي حرق من 570 ل 750 سعر حراري للساعة ،ويساعدك علي تحسين التنفس وضربات القلب ، ولكن يجب استشارة الطبيب اولا اذا كنت تعاني من مشاكل بالمفاصل ، او استخدمي الدراجة الرياضية بالمنزل بديلا للدراجة العادية اذا كانت غير متوفرة .
السباحة
السباحة بتساعد علي حرق كميات كبيرة من السعرات في متوسط من 500 -750 سعر حراري في الساعة اذا كان الوزن اقل من 70 واكثر من ذلك اذا كان اعلي من ال 70 كيلو وكمان بتساعد علي بناء وتقوية عضلات الجسمه مما يساعدك علي قوام مشدود .
نصائــــح
نوعي ما بين الرياضات عشان تتجنبي الاحساس بالملل .
ابدئي ببمارسة الرياضة المتاحة امامك ولا تعقدي الامور .
تعليقات
إرسال تعليق