القائمة الرئيسية

الصفحات

 

رفع ترتيب موقعك في جوجل


الارشفه سريعه او بطيئة او منعدمة طب اية السبب ؟

انت ممكن تنشر 3 مقالات فى وقت واحد وتلاقى 1 منهم اللى تم ارشفتها والباقى لاء طب لية ؟

ندخل فى الموضوع بسرعه ونقول ان السبب الاول هو طلبات الزوار ودراسة السوق 

جوجل ما قصر معانا ابدا وشايف شغلة على اكمل وجه اول ما تنشر المقاله بيلقطها على طول 

لكن مش ذنب جوجل ان مفيش حد طلب المقاله ولا عبرها ولا فكر انه يشوفها من اساسة 

فى شغلنا على ارض الواقع عرفنا ان التلفزيون القديم ومراتب القطن والنيش ابو زلومة اصبحت اشياء ملهاش اى طلب من الزبون فبطلنا نشتريها لان ملهاش زبون 

وعرفنا كمان ان الدولاب والسرير وغرفة النوم وغرفة الاطفال هى الاشياء الاكثر طلبا 

وبنجرى وراها علشان نشتريها لان زبونها موجود وجاهز للشراء 

انت بقا جربت تكتب موضوع عن بنادق بابجى الهجومية ؟

جربت تكتب موضوع عن الحصول على باقة الانترنت 500 ميجا ؟

جربت تكتب عن مباراه برشلونة والريال ؟

طب جربت تكتب عن اسعار وانواع فريزر التجميد وانت داخل ع العيد الكبير ؟

جربت تكتب عن اسعار وانواع الثلاجات والتكييفات والمراوح وانت داخل ع الصيف ؟


تسريع الارشفه وتحسينها مش مجرد نشر مقاله ونجرى نعملها ارشفه يدوى وخلاص لاء 

تسريع الارشفه يبدأ من فهمك لكيفية عمل محرك البحث ولماذا يستخدمة الجمهور المستهدف 

قبل ما تسال ليه الارشفه ضايعه اسال نفسك لية الجمهور مش معبرنى ولا حاسس بيا 

اذا كنت انت نفسك استحالة تعمل اعلان ممول لمنتج مفيش علية طلب يبقى مستنى جوجل يعملك ارشفة لمقاله مفيش عليها طلب ؟ 

هنروح شمال ويمين ونلف حوالين نفسنا مفيش غير طريق واحد للشغل السليم وهو 

دراسة السوق وفهم جمهورك ثم العمل على تلبيه طلبات الجمهور على الدوام 

انما الشغل العشوائى وانك تعمل نفسك بتكتب مقاله هتلاقى جوجل بيعمل نفسة شايفك 

متبقاش زى الموظف اللى عامل نفسة بيشتغل والحكومة عاملة نفسها بتدفع مرتب 

لاء انت اسمك مدون يعنى مبدع يعنى متميز يعنى بتقدم قيمة مضافة تجبلك زبون مهتم 


حتى لما تشتغل افليت بتبيع منتجات هتعرف بدراسة السوق والممارسة والتجارب ايه هى المنتجات المطلوبة اكتر من غيرها وتركز عليها وتتجاهل المنتجات قليلة الطلب 

ادوات دراسة السوق متوفره مجانا على جوجل وباعلى مستوى من الذكاء 

1- جوجل كيورد بلانر = لمعرفة ما يطلبة راس المال الذى يملك السوق

2- جوجل تريند = لمعرفة ما يطلبة الجمهور الذى يمتلك محرك البحث 

3- جوجل سيرش كونصول = لمعرفة ما يفعلة الجمهور مع المحتوى على نتائج البحث

4- جوجل اناليتكس = لمعرفة ما يفعلة الجمهور داخل موقعك الالكترونى وتقييم سلوكه 

اختيارك لنوعية المواضيع وحسن اختيارك للكلمات الرئيسية التى تعمل هو الطريق الوحيد لارشفة دائمة وسريعه


هل اعجبك الموضوع :

تعليقات