القائمة الرئيسية

الصفحات

 



عزيزي القارئ:

ها أنا ذا أناديك بعزيزي نيابةً عن هؤلاء الحمقى الذين تسببوا لك في كثير من الأذى وخذلوك، بدون أن تبوح لي بشئ أتحدث عن كل ما يدور في خاطرك، اتسلل عبر خلاياك واحكي تفاصيلك في قصيدتي، ليس من المهم أن تقرأها ولا ابالي ولا اعلم لماذا كتبتها، اعلم أنك مضحوك عليك، ليلة سعيدة عزيزي السنجل البائس. 

#رحمه #هاشم

صحيت الصبح كالعادة 

بفتح رسايلك بسعادة 

وبكتبلك صباح الخير 

صباح الخير على عيونك 

انا بدونك جريح مكسور 

مشفش النور 

كانه اخرس جريح موجوع 

عمّال بيصرخ ولا مسموع 

#عن #يوم #فراقك #بتكلم 

فتحت الشات وبكتبلك 

وبحكلهم اللي حصل منك 

بعت يقول 

انتِ جدعة وبنت شاطرة وتستاهلي اللي أحسن مني 

اسف مش هقدر اكمل لأنك أنتي مش مني

لحظة سكوت

قربت لي لما انت اصلا ناوي بعد 

وبعدت لي لما أنت اصلا مش قاصد تعب

ووعدت لي لما أنت اصلا ناوي غدر 

يا حبيبي لي كانت دي هي وعودك 

ضحكتي كانت تبسط نواحي الكون 

تعزف نسايم فجر هل بظهورك 

راحت الضحكة وراحت فرحة القلب

فضل الحزن متقيد بشوقك 

فاكر لما كنت حزين 

جاي بتشكي من الماضي 

ضميتك بقلب رحيم

وآمنتك جوه بلادي 

وفين البيت وام العيال 

وجبل الهموم اللي هديته من على كتافك

وجرحك اللي دوايته/وحزنك اللي حبيته

دا كله راح 

طب مين هيداوي فيا الجراح 

ازاي الجريح هيكون دوا 

ووجعي بيولع بالهوى 

دا انا كنت بهرب من العالم اجي لحضنك 

ودلوقتي 

اروح لمين اشكيله نار حبك 

دا أنت كنت السند والأمان 

كنت رسمالنا جنان 

دا إحنا اختارنا الوان الشقه سوى

فاكر دا ولا اتنسى 

كان ذنبي اي إني حبيتك واخترتك تكون سندي تكون ضلعي اللي يحميني 

ويسعدني قلبي ويصونه 

مسكت القلب فشرخته 

كأن القسوة كاس شاربه 

ملوش ولا دين ولا مله. 

#عن #يوم #فراقك

هل اعجبك الموضوع :

تعليقات