القائمة الرئيسية

الصفحات

ازاي اعمل قيد وفاة مميكن من علي الإنترنت




في المقال ده هنعرضلك ابسط طريقة لاستخراج قيد وفاة مميكن بالبيت بسهولة عن طريق الانترنت .

 ادخل علي موقع الوزارة


دلوقتي تقدر تعمل قيد وفاة مميكن عن طريق موقع بوابة الحكومة المصرية هننزلك الرابط الخاص بيه في نهاية المقال ، هتلاقي فوق سادس كلمة علي الشمال كلمة الموضوعات بمجرد اما تقف عليها بالماوس هتظهرلك اختيارات ، اختار من قايمة الوثائق الشخصية طلب الحصول علي قيد وفاة مميكن ، هتلاقي تحت علي اليمين بالاحمر كلمة التالي بمجرد اما تضغط عليها هتبقي انهيت اول خطوة .

 دخل البيانات المطلوبة


في تاني خطوة هيطلبوا منك انك تدخل عدد النسخ اللي محتاجها وصلة القرابة بينك وبين المتوفي والاسم واسم الام والرقم القومي للبطاقة ، وهتقوم بالضغط مرة تانية علي كلمة التالي وبكدة هتبقي انهيت الخطوة التانية .

 دخل البيانات الخاصة بيك


في الخطوة التالتة بيطلب منك البيانات الخاصة باللي بيقدم الطلب ، هيطلب منك تملي بياناتك من الاسم ورقم القومي واسم الام والبريد الالكتروني الخاص بيك وارقام تليفوناتك وعنوان بيتك والمحافظة وقسم الشرطة الخاص بمحافظتك ، هتقوم باستكمال كامل البيانات وتضغط التالي وبكدة هتكون انتهيت من الخطوة التالتة ومتبقي اخر خطوة .

 اختار طريقة الدفع


اخر خطوة عشان تقدر تستكمل البيانات انك تختار طريقة الدفع الخاصة بالمستند اللي هتستخرجه ، بتختار الطريقة اللي هتناسبك وتدوس موافق وبكدة تبقي استكملت جميع البيانات .


هل اعجبك الموضوع :

تعليقات