طريقة عمل دجاج كنتاكي

دجاج كنتاكي من اكتر الوجبات اللي بنحبها ، وكتير ممكن عنده اعتقاد أن الخلطه السحريه اللي بيتعمل بيها الدجاج محتكره فقط علي ” كنتاكي ” ومهما حاولنا نعملها من المستحيل تتطلع شبه دجاج كنتاكي بالظبط ، بس هنقدملكم خطوات تأكدلك أن التتبيله أو الخلطه السحريه زي ما انتي معتقده سهله ، وهتجربيها وتتأكدي بنفسك :

المقادير
1_ فرخه بيضا كيلو و 200 جرام .

2_ 10 أكياس مرقه دجاج فوريه .

3_ 4 معالق صغيره شطه .

_ 2 كوب دقيق .

شيلي جلد الفرخه
أبداي بأنك تشيلي جلد الفرخه وحاولي تتخلصي منه بنسبه 100% ، وقطعي الفرخه بعد ذلك لـ 10 قطع او 12 قطعه بحيث يكون حجم القطعه الواحده مش كبير علشان تتم التسويه جيدا وبالوقت المحدد .

أخلطي المقادير
قومي بخلط مرقه الدجاج الفوريه مع الشطه جيدا ، وحطيهم في كيس كبير ومعاهم قطع الدجاج وحطي عليهم ميه ساقعه ورجيهم لمده ربع ساعه جيدا علشان تتأكدي أن الخليط أمتزج مع الفرحه وحطيهم في التلاجه لمده يومين ..

طلعي الخليط من الثلاجه
_ بعد يومين بالظبط طلعي الفرخه من الثلاجه وصفي المايه من الكيس ، وحطي الفراخ في طبق كبير ، وجهزي جمبه طبق فيه دقيق وجمبه طبق فيه مايه ساقعه جدا وأخيرا طبق فيه دقيق ..

_ قومي بوضع القطعه الواحده في الدقيق وغطيها كويس وبعده في المايه الساقعه وبعده في طبق الدقيق الأخير ونزليها في الزيت المغلي والغزير في الطبق علي النار وبعد 5 دقاديق هدي عليها النار بحيث تسبيها تستوي كويس ..

نصائــــح
متقلقيش من مرقه الدجاج الفوريه لانها غير مضره تماما بأراء الاطباء وجميع الشيفات .
لازم تسيبي الفرخه يومين في التلاجه علشان تمتزج كويس مع الخليط .
لازم الزيت يكون كتير جدا في المقلايه علشان يغطي قطعه الدجاج بشكل كبير ولازم يكون حامي جدا .
حاولي تجهزيه في البيت اوفر ومتاكده مليون في الميه من مكوناته وجودته .
ممكن تحطي لطفلك قطعه منه او اتنين في الانش بوكس هيحبه بشكل كبير .
مرقه الدجاج الفوريه هتلاقها متوفره عند اي عطار أو سوبر ماركت كبير وهي بديله عن كل البهارات الموجوده في مطبخك .

 #طريقة دجاج كنتاكي المقرمش, #طريقة دجاج كنتاكي بالبيت, #طريقة عمل دجاج كنتاكي سالي فؤاد, #طريقة عمل دجاج كنتاكي للشيف حسن, #طريقة عمل دجاج كنتاكي نجلاء الشرشابي