عشان تقدم علي خط تليفون ارضي سواء لأول مرة أو بتقدم علي خط إضافي في بيت واحد اتبع الخطوات التالية:-
جهز الاوراق المطلوبة
عشان متضيعش وقتك وانت بتقدم علي خط التليفون لازم تكون مجهز الأوراق المطلوبة وهي : الأوراق اللي تثبت حيازتك للمكان اللي عايز تقدم خط التليفون ليه زي عقد الملكية أو إيصال الكهرباء أو الغاز أو الماء وعشان تتجنب استعادة الإجراءات مرة تانية لازم تتاكد من احضارك جميع الاوراق المطلوبة خلال 30 يوم من التقديم
اتجه للسنترال التابع ليك
بعد ما تجهز الاوراق المطلوبة اتجه علي السنترال التابع ليك واملي استمارة طلب خط تليفون وارفاقها بصورة البطاقة الشخصية ومتنساش تتأكد انك اخدت وصل الدفع
اعرف قيمة الاشتراك
عشان تقدم علي خط تليفون بتدفع مبلغ قيمته 50 جنيه مصري بدون عدة التليفون.
اعرف مواعيد سداد الفاتورة
الشركة بتقوم بتوصيل فاتورة التليفون لمنزلك مجانا لو كنت من داخل القاهرة وصدر الفاتورة كل 3 شهور ولو كان عندك مشكلة بخصوص سداد الفاتورة تقدر تتوجه للقطاع للعلاقات التجارية وتطلب تقسيط الفاتورة مع المختصين
ولو عندك شكوي بخصوص فاتورتك تقدر تقدمها خلال شهر من تاريخ سداد الفاتورة
اعرف اماكن دفع الفاتورة
1-تقدر تدفع الفاتورة في أي سنترال من سنترالات المصرية المنتشرة علي مستوي الجمهورية و مكاتب التلغراف
2-وتقدر تسدد قيمة الفاتورة من غير التوجه للسنترال لكن ده في حالة ان ميكونش عليك فواتير متأخرة وبتكون عن طريق جميع مراكز البيع والتحصيل للمصرية للاتصالات ووحدات الخدمة المتنقلة ، ولو في فواتير متأخرة لازم تتوجه للسنترال الخاص بيك اولا وتسديد الفاتورة
3-وتقدر تسدد ا من خلال الموقع الإلكتروني عن طريق بطاقة الائتمان أو الماستر كارد بشرط إصدارها داخل جمهورية مصر العربية ، وتقدر بعد السداد تطبع مايفيد سدادك الفاتورة
4-او عن طريق مراكز خدمة عملاء TE Data
5- من خلال خدمة فورى ، و اللي بيتم تفعيلها بالاشتراك مع بنك مصر و الأهلى , الاسكندرية و القاهرة ويمكن لعملاء البنوك دي سداد قيمة الفاتورة من خلال ماكينات الصراف الآلى التابعة للبنك المصدر .
6-عن طريق مركز ” خدماتى ” بمناطق القاهرة الكبرى والصعيد.
أو عن طريق بعض مكاتب البريد المصرىأو بعض النوادي و النقابات او
عن طريق خصم من حسابك البنكي. او منافذ مصاري.
خلي بالك من مواعيد دفع الفاتورة
بيكون الدفع خلال شهر من تاريخ دفع فاتورة التليفون. ومفيش غرامة في حالة دفع فاتورة التليفون قبل أو أثناء التاريخ المحدد لها.
وفي حالة سداد الفاتورة بعد شهرين أو ثلاثة أشهر من التاريخ المحدد لدفعها هيكون في غرامة عن كل شهر تأخير ( 1.5 % من قيمة الفاتورة بحد أدنى 10 جنيهات ).
وفي حالة عدم سداد الفاتورة خلال أربعة أشهر من التاريخ المحدد لسدادها بيكون في غرامة عن كل شهر تأخير ( 1.5 % من قيمة الفاتورة بحد أدنى 10 جنيهات ) ويتم رفع الحرارة عن التليفون إلى أن يتم دفعها.
في حالة عدم سداد الفاتورة خلال 7 أشهر من التاريخ المحدد لسدادها سيتم سحب خط التليفون.
تعليقات
إرسال تعليق