الكنافة بالمانجة من الحلويات اللي معظم الناس بتحبها وبتطضر تشتريها بسعر مبالغ فيه من محلات الحلويات برغم ان هي من الحاجات السهل جدا عمايلها بالبيت وطريقتها بسيطة وسريعة .
حمري الكنافة
هتقومي بتحمير نص كيلو من الكنافة في زيت والافضل الزبدة البلدي بمقدار كوب عشان متتحرقش واستمري في التقليب طول فترة التحمير لغاية لما توصل للون الذهبي ابدئي شليها من علي النار واستني لما تبرد او السخونه تهدي وابدئي ضيفي عليها كمية قليلة من الشربات في حدود فنجاه بجيث ان قومها يبقي متماسك لكن متزوديش من الشربات عشان متتطراش ، او تقدري تحطيها في صنية وتوزعي عليها الزيت او السمنه وتحطيها في الفرن لمدة عشر دقايق او ربع ساعة بديل للتحمير استخدمي اي طريقة تفضليها
تحضير الشربات او عسل الحلويات
الشربات او عسل الحلويات عبارة عن كوب من المايه مع كوب من السكر وقلبيهم علي نار هاديه وابدئي علي علي النار شويه واستمري في التقليب لحد مايذوب السكر في المايه وبعدها اعصري نص لمونه او اتركيه لغاية ما يغلي لمدة عشر دقايق لحد ما يبقي قوامه سميك الي حد ما .
حضري الكريم شانتيه
تقدري تشتريه جاهز او تقومي بتحضريه بنفسك وطريقة تحضريه كالاتي :
بتشتري البودر وتبدئي تخلطي في حدود 2 كيس من البودر علي كوب او كوب ونص لبن ساقع متلج مع معلقتين او تلاته من القشطة مع معلقتين من سكر بودر ، ابدئي اضربيهم مع بعض بالمضرب الكهربا لغاية لما يبقي فوم وقوامه متماسك او بالمضرب اليدوي بس هتحتاجي تقلبيه لفترة طويلة .
حضري المانجا
هتجيبي 2 ثمرة مانجا او اكتر علي حسب احتياجك وابدئي بتقشيرها وتقطيعها علي شكل مربعات او شرايح مستطيله رقيقة .
اعمليهم طبقات
احضري القالب اللي هتحطي فيه الكنافة والافضل لو كان شفاف عشان يديكي شكل جميل ، وابدئي ضيفي طبقة من الكناقة المحمرة بعدين طبقة من الكريم شانتيه وطبقة من قطع المانجا بعدين كرري نفس الطبقات تاني ،طبقة كمان من الكنافة وطبقة كمان من الكريم شانطيه والمانجه وتقدري تضيفي اخر طبقه من الكريمة والمانجه بطريقة متزينه عشان تديكي النتيجه والشكل اللي بتشوفيه في محلات الحلويات .
تعليقات
إرسال تعليق