القائمة الرئيسية

الصفحات




معظم الأطفال بشكل كبير بيفضلوا طول الوقت يلعبوا ويندمجوا مع برامج الأطفال وبيحسوا أنهم ميقدروش يخصصوا وقت وليكن خمس دقائق للصلاه ، وطبعا مع محاولاتك الكتيره لأقناعهم بيصلوا صلاه أو أتنين بس من الخمس صلوات ، فأنتي بالتأكيد بتلجأي للضرب والترغيب والترهيب ودا أسلوب تربيه مش صحيح ومش هيخليهم يصلوا بأستمرار بعدين ، فلازم تتابعي الخطوات الآتيه وهتساعديهم بشكل كبير :

 عرفيه علي ربنا


من صغره أقعدي مع أبنك في أكتر وقت وهو مسترخي فيه وعنده وقت يسمع ليكي وعرفيه علي ربنا ، بأنك تقوليله من خلق أيدك ، ومين خلق ليك مناخيرك علشان تشم كويس ، طيب ببقك هتقدر تأكل أزاي ، فأنت لازم تشكر ربنا علشان هو اللي خلقلك كل عضو فيك علشان تعيش مبسوط وتشوف الكارتون اللي بتحبه بعنيك وتأكل أكلتلك المفضله ببقك ، وأول حاجه تشكره بيها أنك تصلي ليه وتشكره بنفسك ..

 خليه يتوضى معاكي


الطفل من صغره بيحب أنه يحس أنك مشاركك في كل حاجه ، فشاركيه في الوضوء وخليه يحب ان يدخل كل شويه بنفسه يتوضي وكافئيه علي كدا باكتر حاجه بيحبها ..

 صلي قدامه دايما


أتعمدي أنك تصلي قدامه دايما ، الأطفال عامه بتحب التقليد وانها تكرر نفس الحركات بالظبط ، صلي دايما قدامه هتلاقيه لوحده جاي يصلي جمبك وبعد فتره وليكن أسبوع عرفيه معني كل حركه من الحركات وعلي صوتك في قرأه القرأن في كل ركعه جمبه ، هتلاقيه بيردد نفس الآيات جمبك ..

 الصلاة في المسجد مره كل أسبوع


كل أسبوع خدي أبنك ووديه المسجد وكلميه عن جمال المسجد وأنه أكتر مكان يرتاح فيه نفسيا وأول مكان لازم يلجأ لربنا فيه لو عنده أي مشكله ، وخليه يشوف كل المصلين وأنه لازم يصلي علشان ربنا يستجيب ليه ويساعده في أي مشكله حتي لو كانت صغيره ..

نصائــــح
أمتنعي عن أسلوب الترهيب والترغيب لأنه بيتعب أبنك ومش هيفيده أطلاقا أنه يصلي .
حمسيه علي الصلاه بأنه لو صلي دلوقتي هتكفاءيه بأكتر حاجه بيحبها .
أتفرجي معاه علي أفلام كارتون دينيه وأخلقي قصص من وحي خيالك عن الصلاه وأحكهاله قبل النوم .



هل اعجبك الموضوع :

تعليقات