القائمة الرئيسية

الصفحات

ازاي اروح أكتوبر من بنها

دليل مدينة 6 اكتوبر – 6 حاجات لازم تعرفها قبل متعيش في 6 أكتوبر ...

جزء كبير من سكان المحافظات بيسافر لمدينة 6 اكتوبر لانها بتضم عدد كبير من الشركات والجامعات والمستشفيات ، في المقال ده هنجاوب علي سؤال ازاي اروح لأكتوبر من بنها بكل الطرق المتاحة

ازاي اروح أكتوبر من بنها عن طريق الباصات

  1. هتروح لموقف العربيات ببنها تركب عربيات زراعة وتقول للسواق انك عايز تنزل الدائري وبعد ما تركب وصي حد من الركاب جمبك انك عايز تنزل عند الدائري عشان السواق ممكن ينسي ويكمل بيك للاخر …
  2. هتنزل عند الدائري بس من تحت ، هتلاقي سلم هتطلعه عشان تركب من الدائري لاكتوبر بعد ما تطلع سلم الدائري هتلاقي موقف العربيات الخاصة بأكتوبر بعد ما تمشي شوية علي اليمين …
  3. هتلاقي عربيات تويوتا وباصات بتروح أكتوبر في بتروح عند هايبر وزايد والقرية الذكية وفي بتروح عند الحصري وفي بتروح عند ليلة القدر حدد اتجاهك واركب المواصلة المناسبة ليك …
  4. في ايام الدراسة بتكون العربيات الي رايحة للحصري وليلة القدر غير متوفرة كتير ممكن تركب لهايبر او زايد ومن هناك هتلاقي عربيات تويوتا للحصري وليلة القدر في حالة انك مستعجل .
  5. تكلفة المشوار حالياً من بنها للموقف جنيه ونصف ومن بنها للدائري 6 جنيهات ومن الدائري لاكتوبر 5 جنيهات والمواصلات الداخليه باكتوبر 2 جنيه ونصف ، متوسط تكلفة المواصلات من بنها لاكتوبر رايح من 15 الي 20 ج في حالة تقطيع المسافات في الايام المزدحمة .

 ازاي اروح أكتوبر من بنها عن طريق القطار

  1. في حالة الايام المزدحمة زي ايام الخميس والاربع واحياناً الاحد خاصة ايام الدراسة تقدر تستبدل ركوب العربيات التويوتا بالقطار المكيف او العادي الي المؤسسة او رمسيس والأفضل من رمسيس في الأيام المزدحمة ، في حالة المؤسسة بتنزل من القطر وتعدي الناحية التانية من الطريق عشان توصل للموقف وتركب من موقف المؤسسة لأكتوبر …
  2. في حالة انك هتنزل رمسيس هتنزل وتمشي للموقف وتركب من رمسيس لأكتوبر سواء تويوتا او باصات النقل العام في حالة عدم توافر التويوتا .

 احجز تبع شركات مواصلات بنها اكتوبر

  1. في شركات بتوفر باصات عادية ومكيفه وعربيات تويوتا من بنها لأكتوبر مباشرة وبتكون باشتراك شهري والعربيات دي بتكون متاحة للطلاب وللموظفين وبتكون متوفرة في ايام الدراسة وفي شهور الاجازة ، وبتوصلك لحد الحصري ، ومن مميزتها انك بتاخد الطريق مباشرة علي مره واحده …
  2. أسال علي اي جروب تابع لبنها وهتلاقي اكتر من شركة بتوفر باصات وتويوتات من بنها لأكتوبر يومياً ، لو حابب تعرف طرق الرجوع من أكتوبر لبنها اقرأ المقال ده ازاي اروح بنها من أكتوبر .

 #ازاى اروح 6 اكتوبر من الدائرى, #ازاى اروح 6 اكتوبر من المؤسسه, #ازاى اروح 6 اكتوبر من بنها, #ازاى اروح 6 اكتوبر من طنطا, #ازاى اروح بنها من القاهرة, #ازاي اروح اكتوبر من مدينة نصر, #ازاي اروح مول العرب من الدائري

هل اعجبك الموضوع :

تعليقات