ازاى أعرف مكان الموبايل لو صامت

ساعات بتنسى أنت حطيت موبايلك فيين ولما بتدور عليه ومش بتلاقيه وساعتها بيكون أسهل حاجه إنك تخلي حد يرن عليك طيب المشكله هنا لو إنت عامله في وضع صامت Silent هيكون إيه الحل

 الموبايل متوصل بالإنترنت


الطريقة دي لازم يكون موبايلك متوصل باﻷنترنت وعن طريقها هتوصل لموبايلك حتى لو مفيهوش شريحه أصلاً بس زي ما قولنا شرط أساسي أن موبايلك يكون متوصل باﻷنترنت .

أدخل على خدمة Android Device Manger الخاصه بشركة Google من الرابط الموجود فى المصادر فى نهاية المقالة وسجل دخولك باﻷكونت الـ Gmail اللي مسجل بيه ع موبايل لدخول متجر Google Play .

هيظهرلك موبايلك ونوع بالشكل ده زي اللي في الصورة .. كل اللي عليك أنك تضغط على كلمة رنين أو Ring وهتلاقي موبايلك بيرن حتى لو في وضع صامت .

 بدون إنترنت


الطريقه دي تنفع لو موبايلك في وضع صامت ومش متوصل باﻷنترنت وعاوز تعرف مكانه فيين في بيتك عن طريقأبلكيشن متوافر في المتجر بأسم “Clap to Find” وهو أبلكيشن مفيد جدا علشان تقدر تلاقي موبايلك لو في وضع صامت عن طريق أنك تقوم بالتصفيق 3 مرات بسرعه فالتطبيق يشغل نغمه بصوت عالي.

أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Clap to Find” ثم أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة ، بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

 أعطي بعض الصلاحيات


بعد ما تفتح اﻷبلكيشن هتلاقيه بيطلب منك بعض الصلاحيات زي أنه يستخدم المايكروفون علشان يحدد صوت التصقيف . أضفط على كلمة Allow .

 جرب التطبيق


هيطلب منك التطبيق أنك تقوم بالتصفيق 3 مرات متتاليه وبسرعه علشان يبدأ يتعرف ع صوت الصقفه وبعدين هيظهرلك علامة on باللون اﻷخضر وبكده التطبيق أشتغل . جربها وقولنا النتيجه .

 إعدادت التطبيق الإضافية


أخر حاجه أنك لو حبيت تغير في إعدادات التطبيق أدخل على الـ Settings من القايمة الجانبية للتطبيق وهتلاقيه بالشكل ده وفيها كذا جزء زي أن التطبيق يشتغل أتوماتيك لما تعمل موبايلك في وضع صامت – أنك تختار نوع التنبيه سواء صوت أو فلاش أو هزاز – وفي اﻷخر بتختار النغمه ومستوى الصوت وحساسية الصوت وأحنا بننصح أننا نزود حساسية الصوت من 50 % لـ 100% .

 أبلكيشن أخر للتعرف على الصوت


فيه أبلكيشن تاني بنفس فكرة التطبيق السابق بيعمل عن طريق التصفير وليس التصفيق أسمه Whistle Phone Finder PRO وهو أبلكيشن بسيط ومفيهوش أعدادات كتير – كل اللي عليك أنك تقوم بتحميله من متجر Google Play وتستنى لحد ما التحميل يخلص وبعدين أفتحط التطبيق و تضغط على كلمة Start وهيشتغل.

 تحويل الوضع من صامت لرنين


فيه أبلكيشن على المتجر ولكن ليس متاح لدولة مصر أسمه Treehouse – Ring My Droid وكل اللي عليك انك تحمل الـ APK الخاص بيه من أي موقع تاني وتقوم بتثبيته على موبايلك وعن طريقه هتظبط الأعدادات الخاصه بتاعته ان لو جاتله رساله نصها كذا “…” أي نص أنت تحدده يقوم الموبايل أتوماتيك بعمل رنين حتى لو في وضع صامت .