ازاى أصبر على الإبتلاء
احيانا بيستحوذ علينا طابع الحزن نتيجة موت حد عزيز علينا أو خسارة مادية و أو مرض أو عدم اجتياز امتحان أو مرض حد قريب منك أو عدم بلوغ هدف بتتمناه وفي ناس بلائها في اهلها او في صحابها .. في الوقت ده تركيزنا علي البلاء بيخلينا مش قادرين نشوف شيئ تاني وبيكون مدخل ممتاز جدا للشيطان وبيخلينا نبعد عن حياتنا ومستقبلنا واحيانا كتير بتقطع علاقتنا بأهلنا وأصحابنا والناس ونهمل في دراستنا ويتملكنا المرض ويتوالي الفشل
جرب للحظات تخرج من دايرة البلاء والحزن وتشوف حالك ممكن متهتمش وقتها لكن الاكيد انك هتندم بعدين لاسباب كتير وعشان متندمش جرب تعمل الاتي :
خطوات الصبر علي الابتلاء والظلم
متبقاش سبب في بلاء شخص تاني
في وقت حزنك ممكن تتسبب بدون قصد انك تكون سبب بلاء شخص تاني ممكن يكون ابنك بسبب انك مش مركز في شغلك ومبتقدرش تلبيله احتياجاته او يكون الشخص ده هي زوجتك أو زوجك بتقصيرك معاه وفي سوء معاملتك أو تجاهلك ليه وممكن يكون عن طريق شغلك تتسبب في أذية شخص تاني خصوصا لو وظيفتك حساسة مطلوب من اهلك واصحابك يستحملوك لكن كل شخص ليه طاقة احتمال وممكن يكون سبب بلائهم هو حزنك نفسه حاول دايما تخلي تفكيرك في اللي حواليك سبب وحافز عشان تتغلب علي البلاء
إعرف السبب الحقيقى للإبتلاء
في انواع من الابتلاء بنكون احنا السبب فيها والمطلوب منك في الحالة دي انك تتعلم من الغلط مش تحزن عليه أو تسعي انك توصل لحل .. افتكر دايما ان الحزن بيخسرك اكتر وبيكبر المشكلة .. حاول تكون ايجابي لو غلط في حاجه صلح خطأك ولو مغلطتش ولا تملك من الامر شئ يبقي قدر االله وماشاء الله فعل في الوقت ده بيكون الإيمان هو الحل الأمثل وهوا المخرج من البلاء
لو بلائك موت حد عزيز عليك افتكر انه لو موجود مش هيكون سعيد من حالتك واللي بتوصل ليه وحاول تعمل اللي يفرحه واللي يكون سعيد بيه
ولو بلائك مرض شوف و دور ناس حالهم اسوء منك وشوف بيتعاملوا ازاي مع مرضهم وازاي متأقلمين عليه وكلنا بنسمع وبنشوف ناس كتير كان بلائهم سبب انهم نجحوا واشتهروا وحققوا إنجازات وكلنا عارفين قصة طه حسين وعبد الحميد كشك والرافعي وناس كتير غيرهم
قصة اديسون علي سبيل المثال مخترع ورجل اعمال أمريكي ، ليه عديد من الاختراعات التي كان لها أثر كبير على البشرية في العالم، مثل تطوير جهاز الفونوغراف وآلة التصوير السينمائي بالإضافة إلى المصباح الكهربي ً.
عانى إديسون من مشاكل في السمع في سن مبكرة. وكان بيسبب الصمم له لنوبات متكررة من إصابته بالحمى خلال مرحلة الطفولة من غير مايتلقي علاج لالتهابات الأذن الوسطى. ولكن أصبح إديسون يُعرف باسم “ساحر مينلو بارك” في نيو جيرسي.
هيلين كيلر “أديبة ومحاضرة وناشطة أمريكية، وهي تعتبرواحدة من رموز الإرادة الإنسانية، كانت فاقدة السمع والبصر، واستطاعت أن تتغلب على إعاقتها واتقبلت بمعجزة الإنسانية لتغلبها علي إعاقتها . نشرت هيلين كيلر ثمانية عشر كتاب ومن أشهر مؤلفاتها: العالم الذي أعيش فيه، أغنية الجدار الحجري، الخروج من الظلام، الحب والسلام
راقب عمرك
خليك عارف ان اليوم اللي بيضيع منك في الحزن بيتحسب من عمرك سيدنا عمر بن الخطاب كان بيقول “رب يوم بكيت منه فلما صرت في غيره بكيت عليه اوقات كتير الحزن بيخلينا مش شايفين خسارة كتير بتحصلنا أولها وأهمها الوقت اللي بيضيع في الحزن من غير مانحس بيه خلي دايما خسارتك قدام عنيك كل حاجه ممكن تتعوض الا العمر وأكتر الحاجات اللي بنندم علي ضياعها
#الابتلاء بالمرض, #الصبر على البلاء, #الصبر عند الابتلاء والرضا بالقضاء, #انواع الابتلاء, #فوائد الابتلاء, #كيف اصبر على البلاء عمر عبد الكافي, #كيف اصبر على المرض, #كيف اصبر نفسي على الظلم
تعليقات
إرسال تعليق