اختبار الحمل المنزلي أكتر الطرق شيوعا وأنتشارا للأم أنها تتأكد من الحمل. اختبار الحمل المنزلي بيقيس وجود هرمون معين داخل الجسم اسمه HCG بيتم إفرازه فقط لما يكون حصل حمل بالفعل. ممكن تستخدمي اختبار الحمل المنزلي قبل معاد الدورة بتاعتك ب٣ أو٤ أيام لكن ممكن لو استخدمتيه بدري قوي يظهر سلبية يعني مفيش حمل حتي لو كان فيه. عشان كدة الأفضل والي بيوصي بيه الدكاترة أنك تعملي اختبار الحمل المنزلي بعد أول يوم من معاد الدورة الشهرية المعتاد بتاعك. كمان لازم تعرفي أن أفضل معاد تعملي فيه الإختبار عشان تحصلي علي نتائج واضحة هو الصبح بدري أول آما تصحي. لو عاوزة تعرفي ازاي تستخدمي اختبار الحمل المنزل اتبعي الخطوات التالية
تأكدي من تاريخ صلاحية الإختبار
قبل تعملي إختبار الحمل أتأكدي الأول أنه صالح للاستخدام عشان يقدر يظهرلك نتايج صحيحة.
تجميع البول
دايما مع كل اختبارحمل بيجي كتيب تعليمات بيختلف اختلاف بسيط من نوع للتاني بعض الاختبارات بتطلب منك تجميع البول في كوب أولا.
استخدام الإختبار
بعض الاختبارات بتوصي أنك تضعي بعض من البول علي منطقة المستطيل المخصص للاختبار وبعضها بيوصي بوضع الاختبار كاملا داخل كوب البول. هتحتاجي تراجعي التعليمات الي مع اختبار الحمل لكن في الأغلب بيكون المطلوب هو وضع بعض من البول علي الاختبار.
ضعي الاختبار علي سطح مستوي
بعض ما نفذتي الخطوة السابقة مهم أنك تيسيبي الاختبار للمدة المحددة في الإرشادات الي جات مع اختبار الحمل. في الغالب المدة دي بتكون دقايق وبعدها بيظهر خط واحد أو خطين.
قراءة النتيجة
نادرا أما اختبار الحمل يرجع نتيجة ايجابية بظهور خطين ويكون مفيش حمل. ظهور خطين في الاختبار معناه وجود هرمون الHCG والي مش بيفرزه الجسم الا في حالة وجود الحمل. في بعض الأحيان بيكون في خط واضح جدا والخط التاني مش بنفس الوضوح لكن موجود وده معناه في الغالب أنه في حمل وممكن تعيدي الإختبار تاني بعد يومين أو تلاتة عشان تتأكدي.
نصائــــح
الأفضل والي بيوصي بيه الدكاترة أنك تعملي اختبار الحمل المنزلي بعد أول يوم من معاد الدورة الشهرية
أفضل معاد تعملي فيه الإختبار عشان تحصلي علي نتائج واضحة هو الصبح بدري أول آما تصحي
تعليقات
إرسال تعليق