ازاى أسجل شاشة موبايلى فيديو

أحيانا بتحتاج تصور اللي أنت بتعمله على شاشة موبايلك لو بتشرح حاجه لحد أو طريقة معينه عاوز تفضل فاكرها فبتعملها فيديو وتحتفظ بيها . بس ازاي تسجل شاشة موبايلك صوت وصورة وبجوده ودقة عالية وكمان تعمل Edit للفيديو وتعمله مونتاج وتظبطه بشكل كويس !! ده اللي هنشرحه النهارده من خلال تطبيق سهل اﻷستخدام و واسع اﻷنتشار بين مستخدمين الموبايلات الذكية وهو تطبيق “Screen Recorder – DU Recorder ” التطبيق مجاني تماماً ومش بيحتاج أنك تكون عامل Root لموبايلك وﻻ بيحتاج شروط خاصه .

 حمل التطبيق
أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “Screen Recorder – DU Recorder” .

أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة . بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .

كيفية التسجيل
بمجرد تثبيت التطبيق والضغط على اﻷيقونة الخاصه بيه هتظهرلك على الشاشة Widget عليه علامة كاميرا وبمجرد الضغط عليه هتظهرلك منه 4 أيقونات أخرى وهما كاﻷتي :-

1- بدأ تسجيل الشاشه فيديو .

2- فتح التطبيق نفسه .

3- ضبط بعض الإعدادات واللي بتوفرلك مميزات كتير منها :

فتح الكاميرا سواء اﻷمامية أو الخلفية ووضعها في إطار جانبي جنب تسجيل شاشتك .

الكتابة على الشاشة أثناء التسجيل بـ Brush .

تسجيل GIF بدل من فيديو .

إظهار أماكن الضغط الخاصه بيك على الشاشه “Touch” .

4- تاخد سكرين شوت للشاشه .

مميزات التطبيق الإضافي
التطبيق يحتوي على مميزات تانيه بتساعدك أنك تعمل مونتاج للفيديو اللي بتصوره وبيقدملك Tools كتير بتساعدك في كده كالأتي :-

Edit Video : خاصية ممتازه للمونتاج وبها خصائص كتيره زي قص أجزاء من الفيديو – إضافة موسيقى – تحويل الفيديو لـ GIF – إضافة ترجمة وكتابة كلام على الفيديو – اضافة صورة خلفيه للفيديو – عمل Crop للفيديو – عمل Rotate للفيديو.

Merge Videos : دمج أكثر من فيديو مع بعض .

Wifi transfer : طريقة ممتازه لنقل الفيديو من موبايلك للكمبيوتر الخاص بيك عبر الـ wifi عن طريق أن التطبيق بيعمل رابط بتفتحه من الكمبيوتر بتاعك والفيديو هينزل أتوماتيك بشرط أن الموبايل بتاعك والكمبيوتر يكونوا على نفس الشبكة .

Stitch images : تجميع صورتين أو أكتر تحت بعض وبيعملها في شكل صورة واحدة .

Blur image : وضع تأثير الـ Blur على بعض اجزاء من الصورة لأخفاء أي شئ من الصورة .

Crop image : قص الصورة بشكل ممتاز .

ضبط إعدادات التطبيق
التطبيق يحتوي على العديد من الإعدادات اللي بتسهلك التحكم في التطبيق وجودة التسجيل ومن الإعدادات اﻷتي :-

1- التحكم في جودة الفيديو وسرعة فريم الفيديو .

2- تفعيل تسجيل الصوت مع الفيديو .

3- تحديد مكان حفظ الفيديوهات .

4- أخفاء ايقونة التطبيق أثناء التسجيل .

5- أيقاف التسجيل عن طريق هز الموبايل .

6- وضع Timer يبدأ عنده التسجيل بعد الضغط على بدأ التسجيل .

7- وضع علامة مائية Watermark على الفيديو .