ازاي اكتشف نفسي

في فترة من حياة كل شخص فينا بيحس انو مش قادر يفهم نفسه او يعرف هو مين بالظبط ؟ او شخصيته الحقيقة ؟ بيبقي دايما في اي قرار مش عارف هو عايز ايه ؟ او بيحب ايه ؟ بيبقي في حيرة ومش قادر يعرف بالظبط انا عايز اكون ايه في المستقبل ؟ وكلها من الاسئلة اللي بتدور في الذهن بسبب ان الشخص مبيبقاش عارف ذاته الحقيقه

في المرحلة دي بيبقي محتاج يتعرف علي نفسه يعرف عيوبه ومميزاته يعرف هو بيحب ايه وبيكرهه ايه ويتقبل اخطائه ويعرف ازاي يعدل منها ، كلنا بلا استثناء مرينا بالمرحلة دي بس في اللي مر بيها وهو صغير وفي اللي مر بيها لما كبر ؟ وفي اللي حاول يكتشف ويدور علي نفسه فعلا ويعرفها وفي اللي تجاهل كل الاسئلة دي وعاش حياته بدون هدف وكانت حياته عبارة عن سلسلة من الندم بسبب انو بياخد قرارات مش قادر يحدد اذا كانت مناسبة ليه او لا بسبب انو شبهه ميعرفش حاجه عن نفسه .

 فك القيود


اول خطوة عشان تقدر تكتشف نفسك علي حقيقتها انك يبقي عندك حرية الاختيار وتقدر تعمل اللي بتحبه وتجرب مره واتنين وتلاته وتنجح وتفشل عشان تقرر تحدد انت عايز ايه بالظبط وانت مين لازم تجرب وتخوض لانك عمرك ما هتقدر تكتشف نفسك وانت مفروض عليك حاجات معينة سواء من الاهل او المجتمع حاول تخلي حياتك من اختياراتك وتجرب حتي لو هتغلط بس هتتعلم وهتعرف في الاخر من خلال الرحلة دي انت بتحب ايه او مبتحبش ايه

 خد جولة بين الكتب


من اكتر الحاجات اللي ممكن تخليك تفهم نفسك وتقعد تكتشف فيها يوم بعد يوم هي القراءة انك تجرب تقرا في مجالات مختلفة هيخليك تعرف انت بتحب مجالات ايه ومبتحبش ايه هتخلي تفكيرك منطقي اكتر ومنظم اكتر هتحللك مشاكل كتير في حياتك وهتخليك اقرب للنجاح باختصار القراءة من اكتر الحاجات اللي هتخليك شبهه بتعمل رحلة جوه نفسك بتتعرف بيها علي نفسك الحقيقية

 اعرف نقط قوتك وضعفك


عشان تقدر تكتشف نفسك بجد لازم تعرف نقط قوتك انت شاطر في ايه وبتحب ايه وبتعرف تعمل ايه كويس وتققنه وايه الحاجات اللي بتحس انك مش بتحبها او مش شاطر فيها او عيوب عندك لان معرفتك لنقط قوتك وضعفك هو اول خطوة هتخليك تعرف تتعامل في المواقف المختلفة اللي بتتعرض ليها يوميا

نصائــــح
ازاي اكتشف نفسي