ازاى أرجع الحب بينى وبين زوجى

كتير من الازواج بيتجوزا عن حب وبيبقوا مختارين بعض بارادتهم وبعد الجواز بفترة بيحسوا ان في حاله من الفتور حصلت و بيحسوا بملل في العلاقة او ان الحب قل او اختفي وحاسين بروتين واني خلاص عرفت كل حاجه عن زوجي وهو عرف عني كل حاجه فبالتالي مفيش جديد نتكلم فيه وان الشخص ده خلاص بقي بالنسبالي زي أي حد ومبيبقوش عارفين السبب ايه او يتصرفوا ازاي عشان يرجع تاني الحب ؟

خطوات ازاى أرجع الحب بينى وبين زوجى

متبقيش روتينيه خليكي خياليه

فاجئيه و اعمليله حاجات مش متوقعها مفيش رومانسية واقعية الرومانسيه في الاساس حاجه معتمده علي الخيال بعيدا عن الواقع ، حاولوا تفصلوا عن الواقع شويه وتبعدوا عن الروتين اليومي اعملوا لبعض زي مفاجات حاجات غير مالوفه مش من اللي متعودين تعملوها طول الوقت اخرجوا بره المالوف والطبيعي.

اي حاجه عشان نوصلها او نحافظ عليها بتحتاج مننا مجهود ، ابذل مجهود مفيش حاجه هتيجي لوحدها بدون مجهود اي ، علاقة عشان تستمر قوية ويستمر الحب فيها لازم يكون الطرفين يبذلوا مجهود فيها عشان دايما يحافظوا علي علاقتهم ويطوروها اني دايما افكر ايه اللي هي بتحبه ؟

ايه اللي لو عملته هيفرحها؟ ايه اللي لو عملته هيكون مبسوط وهكذا؟ المجهود اللي بتبذلوه وتفكيروا دايما في انكوا تسعدوا بعض هيخليكوا سعدا وهيقوي العلاقه بشكل كبير .

افكار بسيطه جدا ممكن تبان للرجاله انها هايفهه او بسيطه او ملهاش قيمة لكن الافكار دي هي ممكن تخلي في حب دايم ما بينكوا وود وتجدد الحب ما بينكوا باستمرار .

من الافكار دي انكوا في عيد ميلاد ابنكوا تكتبلها كارت شكرا لانك كنتي سبب اني املك اسره عظيمه .. احسن اسره ,,الخ

جرب مره تعملها الفطار او العشا او حاجه تشربها وهي مرهقه او تقف جمبها وقت تعبها وتوقها انا مقدر اد ايه انتي بتتعبي عشانا ، حاجات بسيطه بس هتهون عليها كتير و هتخليها تحس بتقدريك ليها وبالتالي هي هتحاول تبذل اكبر مجود عشان تسعدك .

اقف جمبها وهي بتحضر العشا اتكلم معاها في المطبخ اسالها يومها كان عامل ايه؟ ، قولها في حاجه ممكن اساعدك فيها حتي لو حاجه بسيطه تحسسها بمجرد وقوفك جمبك ولو لوقت معين كل ما تقدر ويكون عندك وقت تعمل ده .

اتكلموا مع بعض دايما

متخلوش الحياه تشغلكوا عن بعض ويبدا الكلام يقل تدريجيا وتوصلوا لمرحلة الخرس الزوجي ويبدا يبقي في بينكوا فتور حاول دايما تحكيلها عن يومك كان عامل ازاي وتشاركهها بعض تفاصيله سريعا والعكس صحيح .

خلو دايما في جديد في حياتكوا متبقاش حياتكوا روتينيه طول الوقت عشان تلاقوا دايما جديد تحكوه لبعض. متتحولوش لاب وام بس و تتكلموا طول الوقت عن البيت والاولاد والمسؤليات اللي عليكوا والالتزامات اللي مش عارفين هتعملوا فيها ايه ممكن تتكلموا في اي حاجه ملهاش علاقه بالبيت والمسؤليات

حتي لو كانت تبدو تافهه زي انكوا تتفرجوا علي فيلم بتحبوه مع بعض و تتكلموا عن الحاجات اللي بتحلموا تحققوها في المستقبل وتتخيلوا لو حققتوها مع بعض هتبقي حياتكوا عامله ازاي؟ ده هيخلي دايما في علاقة صحوبيه بره اطار العلاقه الرسميه للجواز اللي بتتفرض مع الحياه والمسؤليات.

اتعاملوا كصحاب

اخرجوا مع بعض وانزلوا اتمشوا لما تحسوا انك زهقانين ، روحوا اماكن مشوفتهاش مع بعض ، او اعملوا كوبيتين شاي واقعدوا في البلكونه اتكلموا اتشاركوا حاجات بتحبوها ده بشكل كبير هيخليكوا تحافظوا علي الحب للي مابينكوا .

حطي هدف لعلاقتكوا

عشان الحب يستمر ويعيش لازم يكون في نية اني عاوزه بعد خمس سنين مثلا ان انا اكون سبب سعاده في حياة زوجي وهو يكون سبب فرحتي وسعادتي.

متنتظرش نتايج سريعه ان انت تعامل الشخص ده كويس انهارده يحبك بكره ويتحول ويبقي شخص تاني ، محتاج في الاول يكون في طرف مصمم ان العلاقه تبقي قويه وفيها ود ومحبه ، كل حاجه محتاجه وقت زي لما بتيجي تزرع بذره بتفضل ترويها وتهتم بيها وتصبر و بتقعد فترة علي ما تكبر وتديك زرعه وكذلك الحب بيكبر بالوقت والصبر في المواقف الصعبه والاهتمام .

خلي حواركوا ممتع

الحياه مش كلها محتاجه تتاخد علي محمل الجد ، انكوا تخلوا الحوار اللي مابينكوا ممتع يعني تحاولوا تهزروا مع بعض وتضحكوا مع بعض مش كل الكلام عن المصاريف او المسؤليات اللي وراكوا استخدموا اسامي الدلع باستمرار متقولهاش ياماما وهي تقولك يابابا وهكذا ناديه باسمه او اسم دلع لاسمه ، متتعاملوش بصفة انو اب لاولادك فقط وان انتي ام أولاده وبس نادوا بعض باسمائكوا.

عامليه باحسان

متتعامليش واحده بواحده متعمليش حاجه ليه انهارده عشان انتي متظره منه حاجه بكره ،حاولي يكون في اخلاص في العلاقة متعمليش موقف دلوقتي عشان يعلمك طلب بكره ، ده هيوصلك لهدفك لكن مش هيبني علاقة قويه ليها جذور صلبه بانك تخلصي في حبك مع الوقت هيحس ان انتي عايزاه يكون فعلا مبسوط و فرحان و يحس اني فعلا عايزه يكون ليا دور عشان يكون علاقتنا قويه ده عمره ما هيتحقق لو بتتعاملوا واحده بواحده هو منفذش طلبي يبقي انا ليه انفذله طلبه هو مجبليش هديه فـ أنا مش هجيبله ولا احتفل معاه في مناسبه وهكذا …

خليكي ودودة

حاولوا تتوددوا لبعض ، بمعني اصح تتعاملوا بالفضل ان كل واحد يحاول يطلع احسن ما عنده للتاني ويبقي حاسس بمسؤليه اتجاهه انه يتفهمه ويسعده وانه يتغاضي عن بعض الأخطاء كلنا عارفين المقوله دي لكن في الحقيقه مبنطقاش لأننا بنبقي طول الوقت بنطالب الي قدمنا بالكمال مبنبقاش متقبلين وجود أي عيب بيه وبنبدا نرفض العيب ده ونركز معاه لدرجة ان العيب اللي عند الشخص ده هو بيبقي محور اهتمامنا وتفكيرنا وبننسي كل الصفات او المميزات اللي عند الشخص التاني فيبدا الحب يقل لو العيب مش جوهري ومش في حاجه تستدعي ان حياتكوا تقف حاولي تتقبليه او علي الأقل تتعاملي مع العيب ده برفق وبهدوء وتعرفي ازاي تتصرفي وتتعاملي معاه ومتخلهوش ياثر علي علاقتكوا بشكل كبير

متبقوش في تحدي معاه في طريقة الكلام ..الخ مش كل حاجه بتتحل بالقوة ،ربنا خلق المراه فيها ضعف احياينا عشان تستخدمه في حل مشاكلها بالرقة واللطافة والهدوء

حاولي في بعض المشاكل متصعديهاش علي قدر ما تقدري واتكلموا بهدوءومتستنيش لما بعض الحاجات الصغيره اللي بتضايقكوا متتكلموش فيها فتتراكم فيحصل انفجار في أي موقف حتي لو كان صغير ، اتناقشوا في اللي بيضايقكوا اول بأول وحاولوا تحلوه، قوة الشخصيه لا تعني انك تكوني شخصيه عنيده او متسلطه وصوتك عالي وعصبيه وحاده بالعكس احيانا قوة الشخصيه انك تعرفي ازاي تتصرفي بحكمه وذكاء في المواقف المختلفه .

idea نصائــــح
حطيله حاجه في عربيته يفتكرك بيها زي سبحه ،معطر معين بيحبه ،ميدليه عليها اسمائكوا .
متهملوش باستمرار رسايل الموبايلات القصيره وانتوا مش بعض تعبروا فيها عن الحب او الدعم والسند لبعض في وسط يوم طويل مليان بالمسؤليات
النيه والتركيز انك تحافظ علي علاقتك قوية وفيها حب هيخليك فعلا تحافظ عليها
احرصي علي الامساك بيد زوجك باستمرار وانتوا بتتمشوا او في البيت او حتي لو في خلاف وعايزه تهديه