ازاي تقلل من اثر السجاير علي مظهر اسنانك

كل المدخنين بلا اثتثناء بيعانوا من مشكلة اصفرار الاسنان وتاكل المينا واحمرار وامراض في اللثة وبالطبع مفيش طريقة تقدر تقضي علي اثار السجاير علي الجسم عموما غير بانك تاخد القرار بانك تقلل او تتوقف عن التدخين ، لكن في المقالة دي هنقولك الطرق اللي هتساعدك تقلل من اثار السجاير علي سنانك وصحتها ومظهرها اثناء التدخين وتقدر تحافظ عليها الا ان تقدر تاخد القرار بالتوقف عن التدخين عشان تتجنب المصدر الرئيسي لكل مشاكل الجسم عموما .

 زيل طبقة الجير باستمرار


عشان تتجنب مظهر الاسنان الصفرا المتاكلة اللي بيوصلها المدخنين بشرهه لسنين طويلة ، من المهم انك تزيل طبقة الجير اللي بتتكون باستمرار مع التدخين عند دكتور الاسنان كل 6 شهور ، ده هيمنع تكون طبقة صعبة الازالة من الجير علي الاسنان وبالتالي تغيير شكل الاسنان وسوء مظهرها .

 اغسلها بالفرشاة والمعجون باستمرار


اعتبر غسيل الاسنان بالنسبالك زي غسيل الايد شئ ضروري ومتكرر طول اليوم عشان تقدر تزيل اثار دخان السجاير باستمرار من علي الاسنان وتتجنب تراكم المادة الغرائية علي الاسنان مرة بعد مرة .

اغسلها بعد كل مره تدخين ان امكن ، او علي الاقل 3 مرات باليوم ، لكن متتكاسلش عن غسيل الاسنان اطلاقا خصوصا قبل النوم لان اثناء النوم يبكون الفم منطقة خصبة جدا لنمو البكتريا لانه بيكون في حالة جفاف .

اغسل سنانك لمدة 3 دقايق او 5 دقايق ، لان 30 ثانية مش كافية انها تقضي علي البكتيريا والترسبات وبقايا الطعام ، حاول تحسبها بساعة الموبايل عشان تتاكد انك غسلتها لمدة كذا دقيقة .

متشربش سجاير بعد غسيل الاسنان مباشرة ، سيب علي الاقل 30 دقيقية بين الغسيل وشرب السجاير .

 استخدم المضمضة


المضمضة او غسول الاسنان من الحاجات المهمه يوميا مرتين او 3 لانها هتمنع ريحة الفم الكريهه اللي بيعاني منها معظم المدخنين وكمان هتمنع تكون البكتريا اللي بتسبب تسوس الاسنان (طريقة عمل غسول اسنان بالبيت ).

 استخدم شرايط وكريمات التبيض


استخدام شرايط التبيض او الكريمات الخاصة بالتبيض كل فترة بعد تنضيف وازالة الجير عند الدكتور عشان تحافظ علي لونها بيضة لاطول فترة ممكنة ، لكن الافضل تحت استشارة الطبيب عن عدد المرات اللي مسموح استخدمها .

 افحص فمك باستمرار


من المهم زيارة الطبيب في حالة وجود اي تورمات كبيرة الحجم او بقع في سقف الفم او الوجهه او الرقبة او باللسان او تحت اللسان لمدة اكتر من 10 ايام ، او في حالة وجو نزيف في الفم .

 نصائــــح
استخدم الخيط الطبي بين الوجبات