طريقة عمل الكبده الاسكندرانى

الكبده الاسكندراني من الأكلات اللي بتعقدنا كلنا من كتر طعمها اللي مفيش اي كبده تقدر تنافسه ، وأتربينا علي اعتقاد خاطئ أن من الصعب اي حد يقدر يعملها في البيت غير الأسكندرانيه ، مع أنها سهله جدا وتقدري تتطلعيها بنفس الطعم اللي بتجربيه في المطاعم بس لو أتبعتي خطوات سليمه وبعدتي عن مقادير كتيره بتضفيها غلط

المقادير
_ نص كيلو كبده بلدي متقطع شرايح ( الكميه علي حسب أحتياجك )

_ 3 معالق توم مفروم .

_ معلقه خل كبيره .

_ معلقه ليمون كبيره .

_ التوابل ( نص معلقه ملح وفلفل أسود وكمون )

_ 2 معلقه كسبره ناشفه كبيره .

_ فلفل أخضر حار بالأضافه لفلفل ألوان .

تبلي الكبده
من اهم الخطوات في الكبده الاسكندراني هي تتبليها ، لأن التتبيله بتسيب فيها ريحه وتتديكي مذاق مختلف وتقدري تتبيليها عن طريق :

_ حطي الكبده في أناء كبير وضيفي عليها التوم والخل والليمون والكسبره والتوابل .

_ أخليطهم جيدا مع بعض وغطيهم كويس واتركيهم في التلاجه ساعتين .

شوحي الكبده
هتقدري تشوحي الكبده بسهوله بدون ما تتحرق منك وتتديكي الطعم الاسكندراني الأصلي عن طريق :

_ حطي في طاسه كبيره 2 معلقه زيت وسبيهم يسخنوا كويس جدا .

_ ضيفي تتبيله الكبده للزيت وقلبيهم كويس كل دقيقه وسبيهم 5 دقاديق يتشوحوا كويس .

_ قطعي الفلفل شرايح ونزليه علي الكبده وسبيه يتشوح معاها 5 دقاديق علي نار عاليه .

_ هدي النار علي الكبده وغطيها وسبيها لمده 10 دقاديق تستوي وهتدوي بعدها طعم الكبده الاسكندراني الاصلي .

نصائــــح
متشوحيش الكبده ببصل لأنه مش بيضيف ليها اي طعم .
الكبده الاسكندراني لازم تتعمل بفلفل حار ولازم يكون أخضر وتقدري تتضيفي ألوان بعد كدا حسب رغبتك .
تقدري تقطعي الكبده شرايح بسهوله لو ثبتيها وقطعتي بالعرض .
ممكن تتضيفي عصير ليمونه قبل ما الكبده تستوي بدقيقه هيديها طعم مميز جدا .