القائمة الرئيسية

الصفحات




من أكتر الأسئله اللي بتبدأي تسأليها لنفسك أول ما طفلك يبقي عمره 11 شهر ، هو أمتي هيمشي ، وبيضايقك جدا لو طفلك محاولش أطلاقا يسند أو يحاول أنه يقوم ، فلو بتمري بالتجربه دي هنعرضلك مجموعه خطوات تساعدك أنك تهدي وتبدأي تعلميه المشي بشكل ميضروش ويساعده فعلا أنه يمشي :

 قوي عظامه


كتير من الأطفال مبيقدرش يمشي أو يحاول أنه يعمل دا بسب أنه عظامه مش قويه كفايه انه يقدر يعمل كدا ، فأنتي تقدري تقومي عظامه بأنك ترضعيه رضعاته بشكل متواصل علي حسب تحديد الطبيب ليكي ، الي جانب تأكليه الأكلات الغنيه بالفايتامينات زي الزبادي وصفار البيض والبطاطس البوريه .. فهتقوي عظامه بشكل كبير وهيقدر أنه يسند علي الأشياء المجاوره ليه ويبدأ يقوم ..

 وفريله بيئه مناسبه


الطفل في بدايه سنده علي كل الأشياء المجاوره ليه ممكن يقع كتير ، فأنتي شيلي من جمبه كل الحاجات اللي ممكن تأذيه وتخليه يعيط لأن دا مره بعد مره هيخوفه أنه يحاول ، الي جانب أنك لازم تحصريه في نطاق الأشياء الصغيره اللي يقدر يوصل ليها بكافه ايده لأن الأشياء العاليه هترهبه وتخوفه يقوم فيما بعد ..

 أتركيه حافي طول الوقت


سيبي طفلك حافي أغلب الوقت وسبيه علي الأرض ، هيبدأ يحسها وخطوه بخطوه هيفضل يمشي عليها علي طول ..

نصائــــح
بلاش تخلي طفلك يمشي غصب عنه لأن دا هيجيب معاه نتيجه عكسيه ومش هيقرر يمشي .
أستغني عن المشايه لأنه هيحبها أكتر وهيفضل يمشي بيها عن انه يحاول بنفسه .


هل اعجبك الموضوع :

تعليقات