ازاى أتصرف فى موقف التحرش الجنسي
كتير من البنات والسيدات بيتعرضوا لمواقف تحرش ومضايقات كتير في خلال يومهم فـالنهارده هنتكلم عن إزاي نستعد من قبلها ونعمل أيه لو إحنا في الموقف نفسه
خطوات مواجهة موقف التحرش الجنسي
خليكي مستعده
خلي دايماً معاكي أي وسيلة للدفاع عن النفس بس بلاش تكون حاجه ممنوعه زي “سلاح أبيض أو صاعق كهربي” علشان تتجنبي المسائلة لكن إستخدمي حاجه بسيطه زي إسبراي العين وده سهل يتعمل في البيت .. طريقة عمل الإسبراي في البيت هتلاقيها موجوده في المصادر في أخر المقالة
جهزي موبايلك
لو تعرفي حد قريب من المكان اللي إنتي جهزي رقمه على موبايلك وخليه جاهز علشان تكلميه لو حصل أي خطر
إتعلمي الدفاع عن النفس
مش لازم تروحي تدريب كامل للدفاع عن النفس لكن ممكن تتعلمي شوية من حركات الدفاع عن النفس من الرابط الموجود في المصادر بأخر المقالة . ولو مش عندك وقت لده فـيه حركات بسيطه جداً تحطيها في بالك زي “لوي الأصابع – ركل المناطق الحساسة – إستخدام الأظافر أو المفاتيح “وبكده تقدي تشلي حركته لفتره وتقدري تنقذي نفسك
إطلبي المساعده
لو حسيتي إن فيه حد ماشي وراكي وشكيتي في سلوكه أستني شويه في جنب لحد ما يعدي ولو وقف وإستناكي حاولي تطلبي المساعده من حد جنبك تكون حاسه إنه شخص كويس وإطلبي منه يوصلك لأقرب مكان تركبي منه بس
متسكتيش
لو إنتي في الموقف نفسه وشخص إتحرش بيكي حاولي تصرخي لحد ما الناس تتجمع وتطلبي من حد يكون شاهد معاكي على الواقعة علشان تعمليله محضر
الدعم
بعد إثبات الواقعة في محضر رسمي إتصلي على مكتب شكاوى المرأة بالمجلس القومى على الخط الساخن 15115 ودي عناوين وأرقام فروع المجلس واللي بدوره بيوفر محامين لتقديم كافة الدعم القانوني
إتعلمي
تابعي مواقف غيرك والحملات اللي بتحصل على السوشيال ميديا علشان تعرفي مواقف غيرك اللي إتعرضولها وتقدري تستفادي من تجاربهم وتقدري تتفادي إنك تقعي في الموقف اللي زي دي :
#العلاج النفسي للتحرش الجنسي, #صفات الرجل المتحرش, #علاج التحرش الجنسي في الاسلام, #كيفية التعامل مع المتحرش بالكلام, #ماذا تفعل اذا تعرضت للتحرش
تعليقات
إرسال تعليق