ببعض البلدان يتم الموافقة للدخول لامريكا بدون تاشيرة للدخول الي امريكا في حالة ما اذا كانت الزيارة لا تتعدي ال 90 يوم ولكن في الغالب يطلب من اي شخص يريد الدخول لامريكا وجود تأشيرة دخول ولهذا سنعرض عليك في هذا المقال طريقة التقديم لفيزا امريكا خطوة بخطوة .
صورة شخصية بدون تعديلات
اول شئ هتحتاجه للحصول علي تاشيرة امريكا هي صورة 5*5 بخلفية بيضاء ومن المهم ابلاغ الاستوديو بعدم اجراء اي تعديلات علي الصورة سواء بالالوان او بالاضاءات او بالوجه
املي نموذج طلب التأشيرة
من الخطوات الأساسية للحصول علي تأشيرة السفر لأمريكا هي ملئ نموذج يسمي Ds160 من خلال الموقع التالي ، ولان النموذج طويل جدا وبيحتاج ملئ بيانات كتير ، من المهم كل ما يتم ملئ جزء تعمله حفظ عشان تقدر بعدها ترجع وتستكمل المتبقي من البيانات ، بعد الانتهاء من استكمال من البيانات وحاول تتجنب كتابة اي معلومات غير صحيحة …
في حالة الانتهاء من ملئ البيانات هتظهر ورقة خاصة بالبيانات والصورة والباركود اطبعها عشان هتحتاجها في الخطوات الجاية في السفارة .
حدد ميعاد بالسفارة الامريكية
عشان تقدر تحدد معاد بالسفارة الامريكية اول شئ هتحتاجة انك تعمل اكونت “حساب ” علي الموقع التالي هتطلعك ورقة خاصة بدفع رسوم تمن التأشيرة لامريكا واللي سعرها حالياً في حدود 3200 ج اسمها ” قسيمة إيداع رسوم طلب التأشيرة” اطبعها واتجه بيها لبنك cib عشان تقدر تدفع تمن التأشيرة بعد الدفع في البنك هيديك ايصال بدفع المبلغ احتفظ بيه لانك هتحتاجه في مقابلة السفارة .
بعد 24 ساعة (عمل) من وقت الدفع بتفتح الموقع وبتدخل الكود بتاعك لحد ما تلاقي إن تم تفعيل الدفع بيظهر لك مواعيد في السفارة بتحدد الموعد اللي يناسبك من المواعيد المتاحة واطبعه عشان (هتحتاجه في السفارة).
وجود حساب بنكي
وجود حساب بنكي من الشروط الأساسية للحصول علي تأشيرة للسفر لامريكا ، والنقطة الخاصة بالمبلغ بتختلف نسبياً من شخص لاخر حسب مدة الرحلة ، المهم بالنسبة ليهم وجود كشف حساب يضمن لهم ان الشخص هيقدر يغطي مصاريفه في الفترة اللي متواجد بيها في امريكا وانه مقتدر مادياً ليس لديه اي نيه للهجرة والعمل بامريكا .
طلع كشف حساب لرصيدك او شهادات ، وفي حالة ان الشخص المتقدم للسفر طالب يبقي من المهم وجود كشف حساب للاب او الام او الاخوات والكشف يكون لحركة آخر 6 شهور وحركات السحب والإيداع الكتيرة هي دي المهم …
لو حابب تسافر من المهم تبدا في فتح الحساب قبلها بشهور وتحاول كل فترة تعمل سحب وايداع لانه ده مهم جدا في الموافقة علي طلب الحصول علي التأشيرة .
الأوراق المطلوبة
اذاً الأوراق المطلوبة للحصول على تأشيرة أمريكا عند التقديم بمقر السفارة الامريكية :-
1- إيصال دفع فلوس التأشيرة الي تم دفعها مسبقاً .
2- ورقة الأبليكاشن اللي فيها بياناتك وصورتك والباركود مهمة جداً ومش هتقدر تدخل السفارة من غيرها .
3- صورتين شخصيتين اللي سبق وذكرناهم بدون اي اضافات مش هتقدر تكمل الاجراءات من غيرهم .
4- الورقة الخاصة بميعاد المقابلة لان احياناً بتكون مطلوبة من الأمن بالبوابة .
تعليقات
إرسال تعليق