من الممكن انك تتعرض للبرد في اللآونه الاخيره بسبب تغير الجو بشكل مفاجئ ، وللاسف وكتير مننا عندهم اعتقاد ان البرد بيروح لوحده مع الوقت ، وبالتأكيد دا اعتقاد خاطئ جدا ، لان البرد مرض زي اي مرض الي جانب انه ليه اضرار كتيره جدا علي الجهاز التنفسي وفي كتير من الاحيان بيكون مصاحب لسخونيه وزكام وسعال شديد .
علشان كدا هنقدملك مجموعه من الطرق اللي هتسرع في شفاءك من البرد ومساعدتك في استراد صحتك وعدم الاحساس الخمول اللي بتحسه وقت البرد :
حقنه فولتارين
في البدايه لازم تزور الدكتور الصيدلي وتشرحله حالتك بالظبط ومراحل البرد معاك سواء متقدمه او لسه في بدايتها وهو هيديك الدواء المناسب لحالاتك ، بس بشكل كبير معظم حالات البرد بتاخد حقنه فولتارين ، لان الحقنه دي بتساعد علي التخلص تماما من السخونيه اللي مسببها البرد وبتسرعك علي شفاءك في نفس اليوم . ولازم بعد ما تاخدها تتدفي جسمك كويس جدا علشان السخونيه والبرد يخرجوا منه .
خلطه العسل
من بدايه فصل الخريف لازم تبدا تشرب عسل كتير في اليوم الواحد ، لان العسل عامه بيقوي جهاز المناعه وبيقلل من اعراض الانفلونزا العاديه اللي ممكن تصيبك مع تغييرات الجو ، الي جانب انك لو تناولته اثناء اصابتك بالبرد هيسرع من شفاءك لانه له خصائص مضاده للميكروبات والجراثيم اللي بتساعد في الشفاء .
طريقه خلطه العسل : علشان تحصل علي اكبر استفاده من العسل وتقوي جهازك المناعي ، لازم تحط معلقه عسل كبيره علي كوب ماء ساخن وتقلبهم كويس وتشربهم ولازم تكرر العمليه لثلاث مرات في اليوم فيما اكثر ، او ممكن تحط معلقه عسل علي كوب ماء ساخن وعصير ليمونه كامله . وغير مصرح اطلاقا لتناول اطفالك للوصفه دي .
الليمون
الليمون يعتبر من اكتر الوصفات الطبيعيه اللي بتساعد علي القضاء علي فيروس البرد ومحاربته جيدا ، الي جانب انه بيحتوي علي خصائص مضاده للبكتريا والفطريات اللي بتصيب جسمك وقت البرد .
الطريقه : الليمون من الحاجات اللي تقدر تشربها بطرق كتيره زي انك تعصره مع ماء دافئ وتشربه من 3 لـ 4 مرات في اليوم ، او ممكن تعصره علي شاي وتشربه ، او تحطه علي الشوربه وتكتر في كميته عليها ، كل الطرق دي هتساعدك تحارب البرد وتقتل البكتريا اللي سببها
الخردل
الخردل بيساعد بنسبه كبيره علي الشفاء من البرد ودا لانه بيحتوي علي عناصر وخصائص بتساعد علي التخلص من الالتهاب اللي مسببها البرد ، زي التهاب الحلق وبالتالي بيزود درجه شفاءك .
الطريقه : تجهيز عجينه من الدقيق مع معلقه خردل كبيره جاف واضافه عليهم معلقه كبيره من بياض البيضه وماء دافئ وخلطهم جيدا ، ويتم وضعهم في شاش أبيض نضيف، ويتم تجهيز شاش أخر ووضع عليه معلقتين زيت زيتون ووضعه علي صدرك ووضع الشاش بالخلطه عليهم واتركهم لمده عشر دقاديق وبعده امسح صدرك كويس وهتلاحظ بتكرارها مرتين يوميا بتخفيف الالتهاب في صدرك وفي الحلق .
حمام بخار
البخار بيساعد بشكل كبير علي راحه الجسم وطرد المخاط منك بعد عده محاولات ، الي جانب انه بيساعد علي تقليل الصداع المزمن اللي بيصيبك وقت البرد .
الطريقه : هتسخن مايه كويس جدا في طبق كبير وتحط فوطه علي وشك وتنزل بوجهك علي البخار ، او تاخد دش سخن وتقعد في الحمام لمده 5 دقاديق تستنشق البخار .
الزنجبيل
الزنجبيل بيتميز بشهره كبيره في علاج البرد مثل الليمون ويعتبر الاتنين ليهم نفس المميزات في علاج البرد لانهم بيحتوا علي خصائص مضاده للبكتريا والفطريات اللي بتصيب جسمك وقت البرد .
الطريقه : تقدر تعمل الزنجبيل بنفس طريقه الليمون عن طريقه شربه في مايه دافيه ، او مع الشوربه المقدمه ليك ، او مع معلقه عسل ومايه دافيه .
نصائــــح
مينفعش بعد الأستحمام تتطلع علي طول في الهواء لانه دا من اهم اسباب البرد .
اشرب كوبايه مايه اول ما تصحي من النوم وقبل ما تنزل الصبح لشغلك علشان تحمي نفسك كويس ومتتعرضش للبرد بسهوله .
يوميا اشرب كوبايه حلبه لانها بتقتل البكتريا وبتحافظ علي الجسم من الامراض المختلفه واهمهم البرد .
مينفعش تاخد اي مضاد حيوي بدون الرجوع للصيدلي .
تعليقات
إرسال تعليق