ازاي اطلب فلوس من جوزى

من أكتر الأمور اللي بتعصب الزوج عامه هي ” طلب الفلوس ” وخاصه لو كانت الفلوس أضافيه بعد أنتهاء المصروف الخاص بيكي ، بس بالتأكيد تقدري تاخدي منه فلوس أضافيه وبالقدر اللي محتاجه .

ودا عن طريق مجموعه نقاط سهله بتعمليها بناءا علي أكتر الحاجات اللي زوجك بيحبها ، وهنقدملك خطوات ممكن تساعدك بشكل كبير في أبتكار الأمور اللي زوجها بيفضلها أو تكتفي بعملها فقط وتتطلبي الفلوس اللي محتاجها لأنها بنسبه كبيره خطوات مطلوبه عند معظم الأزواج ومفضله :

 عشاء رومانسي

الأزواج بنسبه 90% بيفضلوا الأكل عن أي حاجه تانيه ، فأنتي استغلي النقطه دي بأنك تعمليله أكلاته المفضله علي ضوء الشموع وورد أحمر ، وتعمليلهالك مفأجاه وتوقفي جمب الكرسي اللي هيقعد عليه وترجعيه للخلف مع ذكر كلمات رومانسيه ، وأول ما يقعد تبدأي تحطيله الأكل في الطبق وتأكليه بنفسك وفي اليوم التالي تقدري تتطلبي منه الفلوس اللي محتاجها بصوت هادئ وبرومانسيه شديده .

 أعمليله مساج

. بعد اليوم الطويل والمرهق لزوجك أكيد أكتر حاجه بيحتاج ليها هي راحه جسده وعقله ، فأنتي تستقبليه علي الباب بأبتسامه ناعمه وتعرضي عليه ” مساج تايلاندي أو صيني ” ، وتكوني مجهزه مسبقا الغرفه بموسيقي هادئه والأدوات الخاصه للمساج وتتطلبي منه في البدايه يدفع ثمن المساج وانهم هيستردهم في النهايه لو معملتوش مساج مظبوط .

. وخليكي مصممه علي الدفع أولا وأبداي في المساج بدون ما تتكلمي أطلاقا وسبيه ينام بعد ما تخلصي وبالتأكيد هيصحي مبسوط وممكن ميفتكرش الفلوس ولو أفتكرها أستخدمي أسلحتك الأنثويه زي الدلع والرومانسيه الشديده أنك محتاجها وهيوافق بدون تردد.

 الرسائل المفاجئه

. الرسائل المفاجئه وسط عمله بتسبب له راحه نفسيه كبيره وسعاده بأنك دايما حاسه بيه وموجوده معاه في كل شئ ، فممكن وسط رساله رومانسيه طويله ومذكور فيها ثناءا علي شغله وتعبه الكبير معاكم ، أنك محتاجه مبلغ معين ومش قادره تتطلبيه لأنك حاسه بيه كويس ومتكرريش الطلب مره أخري .

. وأول ما يرجع المنزل عامليه بشكل طبيعي جدا ومتتطلبيش منه فلوس أو تفكريه بالرساله اللي بعتيها ، وهتلاقيه من نفسه هو اللي بيعرض عليكي الفلوس اللي محتاجها .

 أختيار الوقت المناسب

دايما أختاري الوقت المناسب اللي زوجك يكون مبسوط فيه وهادي بشكل عام وأطلبي منه الفلوس اللي محتاجها ، علي سبيل المثال :

• _ وقت فوز الفريق اللي بيشجعه علي الفريق المناسب .
• _ مشاهده فيلمه المفضل .
• _ بعد خروجه ممتعه مع أصدقائه .
• _ بعد وقت لعب البلايستيشن وتحقيق مكسب فيها .

نصائــــح

1. بلاش تتعصبي عند طلبك للفلوس وأنها حق ملزم منه ، وخليكي هاديه دايما وحسسيه أنها بيتعب جدا علشان يوفرهالك .
2. أقترحي عليه تنزلوا تشتروا الحاجه اللي نفسك فيها سوا ، وأنها لازم يشاركك ويختار بنفسه ليكي لأنه ذوق طبعا بيعجبك .
3. بلاش كل شهر تتطلبي منه فلوس خارج مصروف المنزل ومصروفك الشخصي .
4. أهتمي بنفسك وغيري من شكلك بأستمرار علشان يحس أنه مبسوط منك فبالتالي يديكي بسهوله .