كل بنت غالباً ليها طريقة بتحب تزييل بيها الشعر الزائد ومن أكتر الفترات اللي بتهتم بيها البنت بإزالة الشعر الزائد مع قرب معاد فرحها لانها بتدور علي افضل طريقة تكون مناسبة ليها من غير ما تسبب لها حبوب او التهابات بالجلد وعشان كده في المقال ده هنقولك علي كل طرق إزالة الشعر وعيوب ومميزات كل طريقة .
إزالة الشعر بالشيفنج
إزالة الشعر الزائد بماكينات الحلاقة للبنات أو الـShaving مميزاتها إنها سريعة ومش بتاخد وقت ومش بتوجع خالص وقت الإزالة، عيوبها إنها بتطلع الشعر بسرعة وأكتر من الأول, وبيوجع لما بيبدأ يطلع لحد ما يطول تاني, وممكن تخلي الشعر يطلع في حبوب تحت الجلد.
إزالة الشعر الزائد بالكريم
مميزات الكريم إنه سريع ومش بيوجع وقت الإزالة أو وقت نمو الشعر من جديد, وسعره رخيص وسهل في استخدامه.
عيوب الكريم إنه مش بيشيل الشعر من الجذور, بيشيل بس الطبقة اللي باينه من فوق الجلد, ودا بيخلي الشعر يطلع بسرعة تاني, وكمان بيخلي لون البشرة يبقى أغمق عن الطبيعي مع تكرار استخدامه.
الكريم كمان مينفعش يستخدم لمنطقة البيكيني لأنه بيعمل تهيجات للجلد, ولو حامل مينفعش خالص استخدامه لأنه بيعمل إنقباضات مبكرة للرحم.
ماكينات إزالة الشعر
ودي مميزاتها إنها سريعة جدًا وسهله في استخدامها وعيوبها إنها مش بتشيل كل الشعر من الجذور, وبيرجع يظهر تاني في خلال اسبوع أو اسبوعين, وبتعمل التهابات للبنات اللي بشرتهم حساسة وبتطلعلهم حبوب على الجلد.
إزالة الشعر بالسويت
مميزات السويت إنها رخيصة, وبتخلي الشعر مبيطلعش لفترة طويلة ولما بينمو من جديد بيبقى أخف من الأول, كمان بتشيل طبقة الجلد الميت من على البشرة وبتخلي لونها أفتح.
عيوب السويت إنها بتاخد وقت كبير جدًا ومجهود, ومحتاجه حد متخصص يعرف يعملها, وكمان بتسبب وجع جامد وإحمرار في الجلد وقت الإزالة خصوصًا لو البشرة حساسة.
إزالة الشعر بالشمع أو الواكس
إزالة الشعر بالشمع أو الواكسمميزات الواكس إنه بيخلي الشعر ميطلعش لمدة طويلة, ولما بيظهر تاني بيبقى خفيف جدًا ومش بيظهر في كل الأماكن, الواكس كمان سريع جدًا في استخدامه وبيشيل منطقة كبيرة في نفس اللحظة, كمان بيشيل طبقة الجلد الميت وبيفتح لون البشرة ، عيوب الواكس إنه بيسبب إحمرار أو التهاب للبشرة الحساسة.
إزالة الشعر بالليزر
مميزات الليزر إنه بيخلي الشعر ميظهرش لفترة طويلة جدًا ،عيوب الليزر إنه مش بيأثر في الشعر الفاتح, يعني لازم يكون الشعر اسود وغامق علشان يطلع بالليزر, كمان لازم دكتور متخصص يقوم بعملية الإزالة …
الليزر يعتبر من أغلى وأبطء طرق الإزالة لأنه بيتم على فترات ومراحل ممكن تاخد شهور, مؤلم بعض الشئ ولكن بيستخدم تخدير موضعي قبل البدء في الإزالة, وممكن يسبب حروق في الجلد بتتعالج في وقت طويل, من عيوب الليزر كمان ان احياناً الشعر بيرجع ينمو تاني مع تغير الهرمونات سواء بسبب حمل او رضاعة .
تعليقات
إرسال تعليق