ازاي تتغلب علي مشكلة الارق

انك تصحي لوقت متاخر من اليوم وتبقي مش عارف تنام او تدخل في مرحلة النوم بسهوله بشكل يومي مستمر ، او انك تصحي بشكل متكرر اثناء فترة النوم ويحصل نوع من تقطيع النوم باستمرار مع احساسك بصعوبة عشان تقدر ترجع تنام من تاني، او انك تنام وحاسس بعدم الراحه وانك مجهد وقلقان دي كلها من اشكال اضطرابات النوم اللي بيعاني منها عدد كبير من الناس ،ممكن الارق يكون مرض في حد ذاته او يكون عرض لمشاكل تانيه زي المشكلات الحياتيه اللي بتأرق التفكير او المشكلات النفسيه بشكل عام او بسبب بعض العادات السيئه او الخاطئه عند بعض الناس .

ازاي اعرف اني بعاني من اضطرابات النوم ؟
من علامات اضطراب النوم هي ان الشخص يصحي كسول تعبان مجهد مستعد ينام تاني فاقد الاحساس باستعادتة لنشاطه وحيويته من جديد بالتركيز بيبقي سئ مستعد ينام تاني وان الشخص يكون صاحي عصبي متقلب المزاج وبتاثر علي تحصيلك العام لادائك اليومي وبيزيد نسبة الاحساس بالارق بين كبار السن والنساء خصوصا .

 نام في مكان هادي


في جزء من الناس بينام عدد الساعات الطبيعي بس بعد ما بيصحي من النوم بيبقي عنده احساس انو كان صاحي لانه سامع صوت العربيات في الشارع او حاله شبه حالة اليقظه بيصحي بمجرد ما حد يعدي من جمبه او يفتح النور ، وده غالبا لانه بيبقي طول عدد ساعات النوم في مراحل النوم الاولي اللي بتسمي النوم الخفيف لان العقل بيبقي في حالة من اليقظه وده غالبا بيبقي محتاج انه يروح لطبيب لانه ممكن يكون الارق نتيجة لاعراض اكتئاب ،ويحاول ينام في مكان هادي خالي من المشتتات بعيد عن الصوت والاضاءات واجهزة التليفزيون والكمبيوتر عشان يقدر ينام بشكل مستقر متواصل .

 كتر التفكير


من عادات النوم السيئه هي اننا اثناء الدخول للنوم والراحه بناخد معنا للغرفة كل مشاكلنا وكل اللي اتعرضناله من ضغوطات خلال يومنا ، اللي بشكل أساسي بيسبب الارق .

حاول تاخد حمام دافي قبل النوم وتسمع أي مقطع صوتي بتحبه بيهديك وتعمل تدريبات تنفس واسترخاء وتكرر لنفسك كلام إيجابي سواء بلسانك او في ذهنك زي انك كل شيء هيبقي افضل من اللي عليه وان أي مشكله ليها حل او انك هتقدر تنجزر او تحقق اللي عايز توصله وتحاول تصفي ذهنك تماما و تدخل في النوم .

احيانا بيكون الارق لسبب او لظرف عارض بسبب تعرض الشخص لحادثه او حدث سئ سببله حالة من الخوف من الدخول في النوم او بيحصله حاله من اعادة تذكر الحدث بشكل متكرر مرضي والشعور بالخوف في الاساس من ضمن اقوي الاسباب لعدم النوم وغالبا بتقل اعراض الارق تدريجيا مع فتره من الوقت ونسيان الحدث تدريجيا مع المتابعه مع طبيب نفسي مختص .

 اتحرك كتير


ابذل مجهود بدني اثناء اليوم هيحسس الجسم بالارهاق وانو محتاج يرتاح فبشكل تلقائي هتحس بالاحتياج للنوم ، خلي بعض الرياضات شئ اساسي في يومك زي الكورة او انك تكون مشترك فس جسم او حتي بطبيعية شغل يكون فيها حركه ، متعلبش رياضة قبل النوم مباشرة حاول تكون ب 4 او 5 ساعات مش قبل النوم مباشرة .

 اصحي بدري


العقل البشري اتخلق انه بيكون في قمة نشاطه مع بداية طلوع الشمس وبيبدا في الخمول مع دخول الليل فافضل شئ مثالي للعقل هو النوم في بداية الليل والصحيان في بداية النهار ، مع التطور الكبير في وقتنا الحالي حصل نوع من التغيير في نمط الحياه وبقي الغالبيه العظمي من الناس بتنام في الفترات الاخيره من النوم ، حاول علي الاقل تحافظ علي مواعيد ثابته للنوم بليل ومواعيد ثابته للصحيان صباحا وحافظ علي ثبات ده مع وجود الاجازات .

 نام لوقت كافي


كل شخص بيحتاج لعدد ساعات من النوم بتختلف عن الشخص التاني ، فاعرف طبيعة جسمك و عدد الساعات المناسبه او الكافيه اللي بيحتاجها جسمك يوميا من النوم عشان يقدر يستعيد نشاطه مره تانيه .

معدل الساعات الطبيعي اللي بيحتاجها اي جسم للنوم من 4 ل 11 ساعه في اليوم وكل فرد وحسب طبيعة جسمه في ناس بيكفيها النوم لمدة 4 ساعات وفي ناس النوم الكافي ليها ولراحة جسمها 10 ،مفيش رقم معين ثابت او طبيعي يناسبنا كلنا لازم كلنا نلتزم بيه عشان كده من الهم انك تحدد عدد الساعات المناسب ليك لانك لو نمت عدد ساعات اكبر هتصحي تحس بالخمول والكسل وانك عايز ترجع للنوم مره تانيه ولو نمت اقل من الوقت اللي جسمك بيحتاجه هتصحي تحس بالهزيان والضعف وعدم التركيز ، لو اهملت عدد الساعات اللي جسمك بيحتاجها هيبدا جسمك يعاقبك بعد كده وهيظهر اثار ده في اشكال مختلفه زي زيادة الوزن شكل الوش والعين مرهق او ظهور مشاكل بالبشره .

ازاي اعرف عدد الساعات اللي جسمي بيحتهاجها ؟ اختلف الطرق وتطورها الا ان افضل طريقه عشان تقدر تحدد عدد ساعات النوم الكافي ليك هي انك تعرف طبيعة جسمك وتعرف ايه هو افضل جدول للنوم ليك. على سبيل المثال، لما بتكون في اجازه ومش ملتزم باي مسؤليات ، وبدون اي تاثيرات تصحيك هتنام كام ساعة وهتصحي امتي ؟ من غير ما حد يحاول يصحيك؟ أيه قدر النوم اللي هيخليك تحس انك في افضل حالاتك طول اليوم ؟ رغم ان الطريقه تبان بدائيه الا انها من افضل الطرق اللي ممكن تحدد بيها عدد الساعات اللي بيحتاجها جسمك يوميا للنوم .

 قلل الكافيين


قلل استخدام المشروبات اللي فيها كافيين زي الكولا والشاي والنسكافيه والقهوه
لانها كلها بتعتبر من المنبهات اللي بتخلي دايما العقل في حالة من اليقظه .

 كل بروتينات


الاكل اللي بيحتوي علي البروتينات بيساعد علي تحسين وتنظيم النوم بشكل ملحوظ
زي الالبان والجبن والفول والبيض والشوفان حاول تخلي وجباتك فيها بروتينات .

خلي العشا وجبه خفيفة


ازاي تتغلب علي مشكلة الارق
متتقلش قبل النوم ، ميفضلش اكل وجبة دسمه قبل النوم مباشرة لان دا بيساعدك علي الدخول في النوم او الاحساس بانك محتاج تنام لكن بيعمل مشاكل في الهضم بتسبب الكوابيس وعدم انتظام التنفس والحموضه .

نصائــــح
خد حمام دافي قبل النوم بساعه بيساعد جدا علي النوم .
متتفرجش علي فيلم اكشن قبل النوم او تلعب رياضة عنيفة .
ويفضل قبل النوم بساعات البعد عن السكريات يفضل المشروبات مثل اللبن وكمونيل
الاطفال بيحتاجوا عدد ساعات نوم اطول من الكبار وده مهم لحدوث عملية النمو .
قلق التوتر والقلق والحاله النفسيه بشكل عام والاعصاب المشدودة من مسببات الارق حاول تتجنبهم .