ساعات بتحتاج تراقب مكان معيين وأول حاجه ساعتها هتيجي في بالك هي إنك لازم تشتري كاميرا تتوصل باﻷنترنت علشان تقدر تشوف اللي بيحصل من أي مكان وأنت بره البيت . لكن فيه طريقة تقدر بيها توفر فلوس الكاميرا وكل اللي هتحتاجه أن يكون فيه إنترنت متوافر في البيت عندك و موبايل قديم الكاميرا بتاعته شغاله سواء أندرويد أو أيفون
حمل التطبيق
أدخل على متجر Google Play من موبايلك وأكتب في مربع البحث أسم التطبيق وهو بالشكل التالي : “IP Webcam” .
أضغط بعدها على كلمة install علشان تقوم بتحميل وتثبيت التطبيق على موبايلك وتقدر تستخدمه بسهولة .
بعد ما ينتهي التحميل هتتحول كلمة install وهتبقى كلمة open فأضغط عليها علشان تفتح التطبيق .
بدأ البث
بعد تحميل التطبيق هتظهرلك قايمة أنزل بيها وأختار أخر خيار وهو Start Server وهتلاقي الكاميرا أشتغلت وبدأت تصوير وهتلاقي لينك تحت الكاميرا بتكتبه على أي متصفح تاني من موبايل أو لابتوب .
ولكن الطريقه دي فقط لو الموبايل اللي هتحوله لكاميرا والموبايل اللي هتشوف من عليه ما هي لازم يكونوا على نفس الشبكة
البث عن بعد
أما لو هتدخل على الكاميرا من مكان تاني بعيد ومش من نفس الشبكه فلازم تختار من القايمة الرئيسية كلمة Cloud Streaming .وتدخل تعمل أكونت منها وباسوورد وهيديك لينك تدخل بيه على الكاميرا من أي مكان بعيد عن البيت أو المكان اللي فيه الهدف
#صنع كاميرا مراقبة لاسلكية, #كاميرات مراقبه متصله بالجوال, #كيف تستفيد من كاميرا الجوال القديم, #كيفية الاستفادة من كاميرا هاتف عطلان
تعليقات
إرسال تعليق