في المقال ده هنقولك ازاي تتجنبي الاخطاء اللي ممكن تسببلك تقصفات في الشعر وايه الحاجات اللي تقدري تعمليها تعالجي بيه التقصفات دي بخطوات سهله وبسيطة .
تجنبي غسل الشعر بالمياة الساخنة
المياة السخنة من ضمن الاسباب الرئيسية لتقصف الشعر وتفتته ، اغسلي شعرك بمياة فاترة مش سخنة ومش ساقعة ،بعد غسيل الشعر وقبل الانتهاء من الاستحمام اغسليه مرة واحدة بمياة ساقعة عشان تقفل مسام الشعر وتمنع تساقطه بعد الاستحمام .
استخدمي شامبو طبي
تجنبي استخدام الشامبوهات اللي بتطلع رغوة كتير لانها بيبقي فيها مواد كيماوية ، استخدمي الشامبوهات الطبية قليلة الرغوة المناسب لنوع شعرك .
متزوديش استخدام الشامبو عن مرتين اسبوعيا وان لزم الامر لغسيله اكتر من مرتين اغسليه بالماء فقط .
تجنبي تسريح الشعر بعد الاستحمام مباشرة
تسريح الشعر وهو مبلول بعد الاستحمام مباشرة بيسبب تساقط الشعر لان الشعر بيكون في اضعف حالة ليه ، بعد الاستحمام لفي شعرك بفوطة قطن برفق بدون شد الشعر وابدئي نشفي الاطراف بالطبطبة او الضغط فقط ، تجنبي تنشيفه عن طريق حركة الفرك لانها بتسبب تشققات بالشعر وبالتالي تقصفه ، سيبي شعرك مدة لحد ما يبدا ينشف ويكون مندي وابدئي سلكي الاطراف الاول من تحت وبعدين من فوق .
اشربي يوميا عصير برتقال وجزر وجنزبيل ولب
زي ما العوامل الخارجية ممكن تاثر علي صحة الشعر فالعوامل الداخلية ومن اهمها الفيتامينات والتغذية من الاسباب الرئيسية اللي ممكن تسبب ضعف للشعر وتساقطه عشان كده هنقولك الاربع مشروبات الرئيسية اللي بيحتوا علي جميع الفيتامينات اللي بيحتاجها شعرك وبشرتك يوميا …
اولا 2 كوب من الجنزبيل يوميا لانه بيساعد علي سرعة وصول الدم المحمل بالغذاء المناسب للشعر الي الراس وبالتالي بيمنع تقصفه وضعفه وتساقطه ، كمان من المهم شرب كوب من عصير البرتقال يوميا لانه بيحتوي علي فيتامين c المهم للبشرة والشعر وكوباية من عصير الجزر اللي بيحتوي علي فيتامين a ، وكوب من اللبن خالي الدسم ليلا ، الاربع مشروبات دول هيفدوا شعرك وبشرتك ومناعتك ويعلوا الحرق .
اخطاء بترتكبيها بالصبغات
تجنبي صبغ الشعر باستمرار خصوصا بالمواد المتشبعة بالكيماويات زي بودرة التفتيح والاكسجين والتشقير ، حاولي تقللي من عدد مرات صبغات الشعر ان امكن ، الصبغة من الحاجات اللي بتزود من جفاف الشعر وتقصفه وهيشانه .
الصبغات الفاتحة من الحاجات اللي بتهلك الشعر وبتسبب ضعفه وتقصفه لانهم يستخدموا مواد تفتيح متشبعة بالمواد الكيمائية اللي بتضر الشعر ضرر بالغ .
استخدمي الصبغات اللي بدون امونيا لانها افضل علي الشعر واقل ضرر ليه لكن مدة ثباتها علي الشعر بتكون اقل من الصبغات اللي بتحتوي علي الامونيا .
عند صبغ الشعر خصوصا الشعر الابيض بيرتكب خطا شائع وهو تشبيع الشعر كله بكميات كبيرة من الصبغة علي جمبع اجزاء الراس ،قللي من الكمية اللي بتضبغي بيها شعرك علي قدر المستطاع ، ولو بتصبغي شعرك باستمرار عشان الشعر الابيض فحاولي تمشي بفرشة الاسنان بكميات قليلة علي الشعرات البيضا فقط .
استخدمي الحناء الطبيعية
الحناء علي عكس الصبغة مصدر غني بالفوايد للشعر وحل لجميع مشاكله واظبي علي استخدام الحناء الطبيعية كل 3 او 6 شهور هتساعدك تتخلصي من معظم مشاكل الشعر وتعتني بيه .
اللون الاغمق دايما للشعر افضل وصحي اكتر من اللون الفاتح اللي بيجهد الشعر وبيظهر مشاكله وعيوبه واللي بيمنعك دايما تعتني بشعرك بالزيوت الطبيعية لانها بتغمق من الشعر الفاتح .
اعملي اسبراي العسل
ضيفي 3 معالق من العسل علي كوب كبير من المياة الساخنة في بخاخ بلاستيكي ، ابدئي رشي منه بعد الاستحمام علي الشعر بس بعد ما يكون فاتر ، وسيبه علي الشعر بيدي للشعر التغذية واللمعان وبيحافظ عليه .
افركي اطراف شعرك بالقهوة
افركي اطراف شعرك المتقصفة والتالفة بالقهوة المطبوخة بدون تحويج وحبهان مره بعد مره هتساعد علي نعومة الشعر واصلاح التقصفات .
استخدمي المايونيز اسبوعيا
استخدمي المايونيز بديل لحمام الكريم ، لان المايونيز غني بالمواد المغذية للشعر من البيض والخردل والزيوت والخل وليه نتيجة سحرية علي نعومة الشعر ، افرديه علي شعرك مرة اسبوعيا وسبيه لمدة ساعة بعدين قومي بغسل الشعر ،
استخدمي مستحضرات عنق الحصان
اطلبي من الصيدلي الاسبراي المستحضر من عنق الحصان ، مستححضرات عنق الحصان بتزود من سمك الشعر وبالتالي بتخليه قوي واتقل وبتقلل نسبة تعرضة للتلف والتقصف .
اعملي جلسة لازالة التقصفات
روحي لمركز من المراكز المتخصصة للعناية بالشعر واعملي جلسة لازالة التقصفات ، في جهاز مخصص شبيه للفرشاة بيزيل التقصفات الزيادة من جمبع اجزاء الشعر بيساعدك علي الحد من توغل التقصفات لبقيت اجزاء الشعر وبيشيل الاجزاء التالفة .
قصي شعرك كل شهر
صقي الاطراف بطول سم واحد مع بداية كل شهر عربي ، او مرة كل شهرين باستمرار ، لان ازالة الاطراف المتقصفة بيمنع زيادة تقصف الشعر في الشعرة كاملة .
تعليقات
إرسال تعليق